□ 关仕京 李守汉 整理翻译
(ciep geizgonq)
26
Doenghbaez ngamq aeu bae 刚娶去那时，
Cix doxgyaez doxcup 互爱又互尊；
Seizneix dawz gou gyaep 如今把我赶，
Siengj gwn daep gwn mbei 肝胆都想吞。
Sou sim ndei rox yak 你们心好坏，
Sou gag dag ngonz baez 扪心再自问；
Doenghbaez ngamqq aeu bae 刚娶去那时，
Cix doxgyaez doxcup 互爱又互尊。
Caenh gou ok baema 把我赶出去，
Dai song da mbouj laep 死了心还恨；
Seizneix dawz gou gyaep 如今把我赶，
Siengj gwn daep gwn mbei 肝胆都想吞。
27
Bazyah gou luenh guh 家婆乱挑刺，
Haih gou nguh cingcin 我青春误过；
Doiq gou hengz doegsim 对我施毒心，
Gou ndawsim mbouj fug 不服闷心窝。
Gou dag laj dag gwnz 我上下思量，
Mbouj miz coenz lawz nguh 没有哪句错；
Bazyah gou luenh guh 家婆乱挑刺，
Haih gou nguh cingcin 我青春误过。
Sim mbouj dai dahraix 实在不死心，
Sou dwg vaih iucing 妖精作恶多；
Doiq gou hengz doegsim 对我施毒心，
Gou ndawsim mbouj fug 不服闷心窝 。
28
Cam goengdaih goengnyeih 问大公二公，
Dauhleix miz mbouj miz 是否有道理；
Cienz gangj gou mbouj seih 都讲我不对，
Gou miz deilawz loek 错误在哪里。
Gangj leix sou mbouj dingq 讲理你不听，
Siengj aeu mingh gou bae 要我命去抵；
Cam goengdaih goengnyeih 问大公二公，
Dauhleix miz mbouj miz 是否有道理。
Leix mbouj bingz cix ienq 理不平就怨，
Bang gou duenq ngonz baez 帮我断理义；
Cienz gangj gou mbouj seih 都讲我不对，
Gou miz deilawz loek 错误在哪里。
29
Gvaq aenbak sou naeuz 经你们游说，
Bawx goj aeu cixbah 媳妇娶回家；
Caencik daeuj doiqnaj 在亲戚面前，
Gaej gangj vah ndek ndwi 不要讲空话。
Bouxlawz yaek cang gyaj 哪个在胡诌，
Cix cauh vah dwk gou 给我造假话；
Gvaq aenbak sou naeuz 经你们游说，
Bawx goj aeu cixbah 娶媳妇回家。
Guh saeh mbouj goengbingz 做事不公平，
Raen aensim bazyah 家婆心太假；
Caencik daeuj doiqnaj 在亲戚面前，
Gaej gangj vah ndek ndwi 不要讲空话。
30
Eu aehak ndawsingz 叫城里县官，
Roengzma bingz dauhleix 下来评道理；
Sou guh gij saeh neix 你们做此事，
Seih mbouj seih goengbingz 公平在哪里。
Gou guh deng mbouj deng 我做对不对，
Caeuq sou ceng mbouj bingz 相争不平气；
Eu aehak ndawsingz 叫城里县官，
Roengzma bingz dauhleix 下来评道理；
Mwngz gangj lawz cungj ndaej 你怎讲都行，
Cingj sou bae hoih ngeix 请你们慢议；
Sou guh gij saeh neix 你们做此事，
Seih mbouj seih goengbingz 公平在哪里。
31
Naj vunz gangj goj ndei 人前讲好话，
Ndaw sim mbei cix naeuh 心里全烂透；
Goengyah naeuz mbouj aeu 公婆要休媳，
Dou lawz daeuj gap ndaej 我们怎共头。
Miz dauhleix daengz mbwn 道理足到天，
Raen liengzsim yienghneix 良心这样丑；
Naj vunz gangj goj ndei 人前讲好话，
Ndawsim mbei cix naeuh 心里全烂透。
Sim doeg dangq nongoux 心像桕虫毒，
Gag dag sou simdaeuz 自扪你心头；
Goengyah naeuz mbouj aeu 公婆要休媳，
Dou lawz daeuj gap ndaej 我们怎共头。
32
Lwnh hong rog hong ranz 无论内外活，
Gou hix fanz ndaej gaeuq 我已够烦心；
Goengyah ndi hawj souh 公婆不让留，
Yamq ok dou baenaj 迈出门断亲。
Gou daj daeuj daengz neix 我来到现在，
Yienghyiengh saeh gannanz 样样都艰辛；
Lwnh hong reih hong ranz 无论内外活，
Gou hix fanz ndaej gaeuq 我已够烦心。
Dou goj gyaez doxndei 夫妻可相爱，
Mbouj miz di cengdaeuq 没一点戒心；
Goengyah ndi hawj souh 公婆不让留，
Yamq ok dou baenaj 迈出门断亲。
33
Caenh gou baema ranz 赶我回娘家，
Sim mbouj gam mbouj fug 心不服不甘；
Gou miz gijmaz loek 我有何过错，
Ra saeh cug dwk gou 惹事把我缠。
Bouxboux daeuj cungj ndaq 个个来都骂，
Hamz raemxda mbouj gan 含眼泪难干；
Caenh gou baema ranz 赶我回娘家，
Sim mbouj gam mbouj fug 心不服不甘。
Cek duhdou song vunz 拆开我们俩，
Bouxlawz sim cix fug 谁甘愿离散；
Gou miz gijmaz loek 我有何过错，
Ra saeh cug dwk gou 惹事把我缠。
34
Vunzvunz cungj naeuz neix 人人这样讲，
Sou simsaeh mbouj ndei 你们心不正；
Dawz gvanyah cek bae 把夫妻拆散，
Cog goj miz bauqwngq 将来遭严惩。
Vunz naeuz gou gwnvi 人说我吃亏，
Sou mbouj miz dauhleix 你无礼蛮横；
Vunzvunz cungj naeuz neix 人人这样讲，
Sou simsaeh mbouj ndei 你们心不正。
Raen sou doengh yienghneix 见你们这样，
Vunz cix ngeix fwensei 人编山歌讽；
Dawz gvanyah cek bae 把夫妻拆散，
Cog goj miz bauqwngq 将来遭严惩。
35
Fuengzcug sij sawfaenz 房族写文书，
Cix faenfwngz bieksanq 分手离别去；
Dwen daengz raemxda langh 提到眼泪流，
Caen langhdangh gou lai 枉费我心力。
De doeng yoeg sae yoeg 他们乱唆使，
Guh sim doeg haih vunz 行毒心害媳；
Fuengzcug sij sawfaenz 房族写书文，
Cix faenfwngz bieksanq 分手离别去。
Cek gvanyah caencingz 拆夫妻真情，
Siengj ndang yungz daengz namh 一想身溶地；
Dwen daengz raemxda langh 提到眼泪流，
Caen langhdangh gou lai 枉费我心力。
(caengz sat)
缩小
默认
