7 nyied 1 hauh, Duh’anh Yauzcuz Swciyen Gvangjbo Den- sidaiz cingqsik haibo《Sinhvwnz Vahcuengh》. Neix dwg aen lanzmuz aeu Vahcuengh dangdieg daeuj bo de. Guh aen lanzmuz neix dwg vihliux engq ndei dwk henhoh nem swnjcienz doenghgij vwnzva Boux- cuengh nem Vahcuengh dangdieg, baijok gij maenhndei vah dangdieg.

Ciuq cam rox, aen yienh neix gungh miz 71.14 fanh vunz, ndawde Bouxcuengh ciemq 73%, dingzlai vunz gangj Vahcuengh dangdieg. Aen yienh neix haibo sinhvwnz Vahcuengh, aeu Vah- cuengh dangdieg vunzlai cungj maij dingq de daeuj youq lajmbanj senhconz gij minzcuz cwngcwz dangj raeuz、book gij sinhvwnz youqgaenj dangdieg moix singhgiz miz de、gangj gij saeh henz ndang vunz dangdieg, neix ndaej vunzlai haenh naeuz ndei raixcaix.

Aen lanzmuz neix moix singhgiz singhgiz ngeih、singhgiz seiq 20:30 daih’it baez book, caemh ngoenz 23:00、ngoenzlaeng 8:30、10:00、13:00 caiq bo mbat ndeu dem.

(Lanz Fuzgvanh/蓝福宽)