Vih engq ndei bingzgya gij hong Cuengh Gun song saw vah sonhag, hix doengzseiz genjcwz gij yaugoj aen hong neix. Ciuq Swcigih Gyauyuzdingh 《Gvendaengz Aen Dunghcih Doiq Daengx Gih Cuengh Gun Song Saw Vah Siujyoz Guh Sawcuengh Cwzsi》（Gvei gyauban [2014] 148 hauh）yauhgiuz, Vujsenh Yen 2014 nienz 6 nyied 20 hauh banhaet haiguh Sawcuengh cwzsi. Dungzlingj Cin 6 nienzgaep ban Cuengh Gun song saw vah cienzbouh hagseng camgya cwzsi. Aen cin neix dwg Vujsenh Yen Cuengh Gun song saw vah sonhag gihdi.

Vih guh ndei hong cwzsi, Vujsenh Yen dingh 《2014 Nienz Cuengh Gun Song Saw Vah Siujyoz Camgya Daengx Gih Sawcuengh Cwzsi Fangh’an》, laebbaenz aen lingjdauj siujcuj, youz yen gyauyuzgiz fugizcangj Lij Cangcinh guhcawj, yen Sawcuengh yozyau caeuq yen minzcuz cunghyoz lingjdauj caez daeuj guh aen hong neix.

Vujsenh Yen bineix miz 260 vunz camgya cwzsi, faenbied youq Dungz- lingj Cin Cunghsinhyau（bonjbouh）caeuq Sinhlungz Siujyoz laeb cwzsidenj. Yen gyauyuzgiz Sawcuengh conhgan Siz Caizyij fucwz guh sinzsi.

Damqrox, bingz gienj youq ngoenzhaenx lajbyonghngoenz guh sat. Doeklaeng dungjgi, camgya cwzsi 260 vunz, bingzyaenz faensoq 68.7 faen, gizgwzliz 72.5%, youhsiuliz 32.8%.

（Ganh Sozvwnz、Veiz Gyahmeiz sij Luz Mingzdiz 、Lij Cin 、Lai Cwngliengz、 Cinz Sansiu ingj）