Veiz Vujgvanh lij miz maz yigen dem? Cijnaengz fugcoengz bah lo. Caiq gangj, gij gwn gij ninz de gaenq ndei baenzmaz lo, lij bae Meijgoz、Baekging、Sanghaij guh gijmaz? De caeuq Gvanghhoj daxau youq cungjdungj dauqfuengz, haemh ndeu couh dwg 8800 maenz ngaenz. Cungjdungj dauqfuengz dwg yungh mbaw sinhfwncing Veiz Vujgvanh daeuj daenggeiq haeujbae youq, aeu coenzvah Gvanghhoj daxau daeuj gangj, dwg hawj mwngz angjnaj mbat ndeu. Veiz Vujgvanh ngamq dingqnyi 8800 aen soqmoeg neix seiz deng hwk dwk nyouh dwk vaq liux. Yienznaeuz Gvanghhoj daxau naeuz gij cienz neix haicei ndaej, cujciz hix haengj ok, danhseih Veiz Vujgvanh gag roxnyinh daiq sai cienz lo. 8800 maenz doiq lajmbanj daeuj gangj, gaenq guh ndaej caengz laeuz ndeu caemhcaiq youq baenz ciuhvunz lo. Gvanghhoj daxau lij naeuz, gaej baenzneix siengj, hix gaej bae baenzneix doxbeij, gou ngoenzneix ndaej yiengjsouh dwg aeu diuzmingh gou vuenh ndaej daeuj. Diuzmingh gou gaenq dai geij baez lo, mwngz rox lwi? Ngoenzneix cij suenq miz saehndei bauqdap, neix hix dwg cujciz aenvih gou roemx dai roemx lix ciengj hawj gou. Dangyienz, gou miz gij goenglauz ngoenzneix, mwngz hix miz gungyen youq baihndaw. Gou rox lwnh hawj cujciz dingq, hawj gyoengqde geiqmaenh gij gungyen mwngz dem.

Veiz Vujgvanh naeuz, daengzcog gou ndaej mbouj ndaej dang gingjcaz ne?

O deng lo, Gvanghhoj daxau naeuz, wnggai ndaej dang, cijaeu mwngz gaenriengz gou bae guh, couh ndaej dang gingjcaz.

Veiz Vujgvanh cingsaenz gvaekgvaek, naeuz raeuz aeu yietnaiq geijlai nanz?

Geij ndwen ba.

Nanz lai luba? Veiz Vujgvanh naeuz. De miz di saetmuengh, seizneix caenh siengj guh gunghcoz.

Mwngz mbouj raen gou geq la? Nanzdauh lij mbouj wnggai ndeindei yietnaiq, baujyangj duenh seizgan ndeu ha? Gvanghhoj daxau naeuz, de miz di najmbwng lo.

Mbouj dwg, gou eiqsei dwg naeuz mwngz yietnaiq, miz maz saeh cijaeu gou guh ndaej, mwngz heuh gou bae guh couh ndaej lo. Veiz Vujgvanh naeuz.

Gvanghhoj daxau naemj le naemj, han sing ndeu le doq ngaek gyaeuj mbat ndeu.

Veiz Vujgvanh hainduj bang Gvanghhoj daxau ndoiqlaeng, de gig sim’in Gvanghhoj daxau. Danhseih Gvanghhoj daxau mbouj lingx cingz, ngamq ndoiq mbat ndeu couh mbouj haengj hawj de ndoiq lo. Gvanghhoj daxau fwt naengh soh hwnjdaeuj, o deng lo, gou lij caengz hawj cienz hawj mwngz ne, gou gangj gvaq, aeu baen 10 fanh maenz ngaenz hawj mwngz.

Gvanghhoj daxau gangjvah suenqsoq, dang- ciengz daj ndaw baujyenjgvei geq aeu 10 fanh maenz ngaenz ndenq hawj Veiz Vujgvanh.

Veiz Vujgvanh lawq lo, gou seizneix aeu baenzlai cienz daeuj guh gijmaz?

Dwg ha, gou aeu cam mwngz, mwngz dawz 10 fanh maenz ngaenz bae dajsuenq baenzlawz yungh?

Veiz Vujgvanh naeuz, dajsuenq cienzbouh geiq bae ranz. 5 fanh hawj vunz ranz Mungz Gyahgenz, de mbouj dwg caeuq gou doxdax gwn laeuj cij deng vutmingh ha? Gou gig mboujgvaqeiq, 5 fanh maenz ngaenz suenq dwg bouj hawj ranz de lo. Linghvaih 5 fanh maenz dawz daeuj caepcoih aen ranz gou.

Gvanghhoj daxau dingq Veiz Vujgvanh baenzneix dajsuenq le mbouj doengzeiq. De naeuz, mwngz ngamq okdaeuj ndwen lai, couh miz 10 fanh maenz ngaenz geiq dauqbae, vunz ndawmbanj baenzlawz siengj? Dwg bae caeg aeu roxnaeuz ciengj aeu? Baez cienz okbae yaek baenzlawz guh? Vunz caz okdaeuj rox mwngz dwg caeuq gou bae guh, gou mbouj dwg couh laeuhdaej la? Mbouj ndaej, mwngz mbouj ndaej geiq ngaenz baema, seizneix gou caengz hawj mwngz, gou sien bang mwngz guenj gonq!

Gvanghhoj daxau gangj le doq aeu 10 fanh maenz ngaenz dauq cuengq haeuj ndaw baujyenjgvei bae.

Veiz Vujgvanh gujsuenq, ngaenz ndaw baujyenjgvei daihgaiq miz 50 fanh maenz baedauq. Danhseih song de daj ndaw Ouhgingj Dingzyenz daiq ngaenzyienh okdaeuj dwg 510 fanh maenz, gij ngaenz neix Veiz Vujgvanh caenfwngz diemj gvaq. Hoeng mwh song de haeuj ndaw Vujyezvah Daciujden bae youq seiz ngamq daiq 60 fanh maenz ngaenz, lij lw 450 fanh maenz ngaenz caeuq vuengzgim, Gvanghhoj daxau naeuz gaenq dawz bae gyau hawj goenggya lo.

Veiz Vujgvanh gingqyienz siengsaenq lo.

Veiz Vujgvanh miz aen vwndiz ndeu cigndaej ngeizvaeg, Vangz Dadungh gaemhdawz song boux dou le, youq mwh mbouj rox Gvanghhoj daxau dwg gingjcaz cungj cingzgvang neix lajde, gawq mbouj bauqgingj, doeklaeng lij cuengq Gvanghhoj daxau okdaeuj, caemhcaiq hawj Gvanghhoj daxau caeuq gou daiq sojmiz gimngaenz okdaeuj, neix dwg vih gijmaz ne?

Dapanq cijmiz Gvanghhoj daxau caeuq Vangz Dadungh cij roxyiuj. Dangseiz Veiz Vujgvanh caeuq dah saulengj youq laj laeuz, Gvanghhoj daxau caeuq Vangz Dadungh gag youq gwnz laeuz doxyaeng, song boux de dauqdaej yaeng gijmaz?

Aen vwndiz ngeizvaeg neix Veiz Vujgvanh gaenq mbaet youq ndaw dungx geij ngoenz lo, de miz di nyaenx mbouj youq lo.

Gvanghhoj daxau suj aen baujyenjgvei hwnjdaeuj, ngeux gyaeuj yawjyawj Veiz Vujgvanh naeuz, cuengqsim, gij cienz neix daengzlaeng lij dwg aeu hawj mwngz da.

Veiz Vujgvanh naeuz, gou mbouj dwg vihliux gijneix.

Haenx youh dwg vih gijmaz ne? Mwngz gangj ba. Doiq Gvanghhoj daxau daeuj gangj, gijmaz vah cungj gangj ndaej.

Veiz Vujgvanh dawz gij ngeizvaeg de lwnh okdaeuj.

Gvanghhoj daxau dingq le, sien dwg ndatheiq, aenvih Veiz Vujgvanh cam le gij vwndiz mbouj wnggai cam haenx, dwg hamj gyaiq lo. Gyauyuz Veiz Vujgvanh can ndeu le, Gvanghhoj daxau naeuz, ndei ba, hawj mwngz ngeiz sam ngeiz seiq, mboujyawx lwnh hawj mwngz rox gij goekgaen de.

(9)

韦五宽能有什么意见呢？只有相信和服从。何况，他现在吃的住的他觉得已经好上天了，还用去什么美国、北京、上海呢？他和光火叔叔住的可是总统套房，一个晚上就要八千八。而且，总统套房是用韦五宽的身份证登记入住的，用光火叔叔的话说是让你虚荣一回。开始韦五宽听到八千八这个数目的时候，吓得要尿裤子。虽然光火叔叔说这个钱既付得起组织也许可，但韦五宽还是觉得太不可思议和浪费了。八千八，在农村可以起一层楼住一辈子了。光火叔叔说不能这么想，也不可以这样比，我今天的享受是我用我的命换来的。我这条命死过好几回了知道吗？今天才算是有好报。这也是组织上对我出生入死的奖赏。当然，我有今天的功劳，你也是有贡献的。我会向组织汇报你的贡献，记住你的贡献的。

韦五宽说那我将来能不能当警察呢？

哦对了，光火叔叔放下二郎腿，说能，只要你跟我这么干，就能。

韦五宽精神一振，说那我们要休假多久呢？

几个月吧。

太久了吧？韦五宽说，他有点泄气。我现在只想工作。

你没看见我老了吗？不该好好休息，保养一段时间吗？光火叔叔说，他显得有些不愉快。

不是，光火叔叔，韦五宽说，我的意思是，你休假，有什么事，只要是我能做的，你吩咐我去做。

光火叔叔想了想，嗯一声，并点了一下头。

韦五宽开始给光火叔叔捶背，他是由衷地心疼光火叔叔。但光火叔叔不领情，捶了一下就不让韦五宽捶了。他说你不专业，我会找专业的给我按摩。你也可以去玩玩，但不要走远。这个酒店什么玩的都有。他突然坐直了，哦对了，我还没给你钱呢，我说过要分你十万块钱的。

光火叔叔说话算话，当场从保险柜里数了十万块钱给韦五宽。

韦五宽很傻。我现在要这么多钱干什么？

光火叔叔说是啊，我也要问你，你得了十万块钱，计划怎么用？

韦五宽说我想呢，全部寄回去。五万块钱给蒙家权的家人，他不是跟我赛酒赛死了吗，我很内疚，五万块算是补偿。另外五万块嘛，把我家的房子翻新了。

光火叔叔听了韦五宽的计划，不同意。他说你才出来一个多月，就寄十万块钱回去，村里人会怎么想？偷的，抢的！一传出去怎么办？一查出你是跟我干的，那我不就暴露了吗？不行，你不能寄钱回去，现在也不能给你，我先替你保管！

光火叔叔说着就把钱往回放。

保险柜里的钱又涨回原来的样子。韦五宽估摸大概有五十万左右。而他们从欧景庭园带出的现金是五百一十万，还是韦五宽亲自点过的。但是他和光火叔叔住进五月花大酒店时只带了六十万。余下的四百五十万和黄金，光火叔叔说拿去交公了。

韦五宽信。

韦五宽唯一的疑问只是，黄大东抓住了他和光火叔叔，在不知道光火叔叔是警察的情况下，既没有报警，最后还把光火叔叔和他放了呢？而且，还让光火叔叔和他把全部的金钱都拿走。这是为什么？

答案只有光火叔叔和黄大东知道。当时韦五宽和美女在楼下，光火叔叔和黄大东在楼上单独谈话，他们是怎么谈的？

韦五宽的疑问已经憋了几天了。他有点憋不住了。

光火叔叔锁上保险柜，回头看看生闷的韦五宽，说放心，这钱最终会给你的。

韦五宽说我不是因为这个。

那是什么？说吧。对光火叔叔什么话都可以说。

韦五宽说出了他的疑问。

光火叔叔听了，先是生气，因为韦五宽问了他不该问的问题，越位了。在教育了韦五宽一番后，光火叔叔说好吧，与其你疑神疑鬼，不如就让你知道真相。 (九)