●6 nyied 21 hauh, Vanz- gyangh Mauznanzcuz Swciyen gawjhengz“vad gocuk dog” doxdax, ndaw yienh miz 40 boux yindungyenz daeuj doxdax. “Vad gocuk dog” dwg aen hanghmoeg minzcuz conzdungj, gaenq lied haeuj daengx guek saujsu minzcuz conzdungj dijyuz yindungvei doenghgij hanghmoeg cingqsik de.

(Liengz Fuyingz Luz Cwnghling)

●Geij ngoenz gonq, Lingzyinz Yen Cauzlij Yauzcuz Yangh ndaw haw cingqsik haigoeng guh hanghmoeg gaij- guh roen、guenjraemx lo, aen hanghmoeg neix dwg minzcuz yanghging hanghmoeg, gungh roengzngaenz 149 fanh maenz.

(Bi Cujbauj)

●6 nyied 21 hauh, Swcigih Ginzcung Yisuzgvanj fwen ndawbiengz beizyinbanh youq Lozcwngz Mulaujcuz Swciyen Duzsuhgvanj gawjhengz, 40 lai boux maij fwen daj ndaw yienh daeuj de camgya song ngoenz beizyin. Doenggvaq beizyin, engq ndei swnjcienz fwen ndawbiengz nem gogeq Mulaujcuz.

(Moz Vwnzswh Yi Vazcin)

●Duenh gonq, Lungzlinz Gak Cuz Swciyen Dwzngoz Cin Denzba Cunh Mbanjcanghgyahcai aen hanghmoeg guh mbanj miz Myauzcuz daegsaek de haigoeng lo. Aen hanghmoeg neix gungh roengzngaenz 665.28 fanh maenz, gvendaengz 67 hoh 297 vunz, cujyau cunghab gaijguh ranzyouq、diengzhaex、rienghcwz、riengh- vaiz、cauzmou daengj.

(Dauz Dwzgvangh)

●Dangqnaj, Dwzbauj Yen gaenq miz 3 aen yozyau 312 boux hagseng gyoebbaenz 6 aen ban lwgnyez swnjcienz yisuz ngeih- yienz ndokmax, caemhcaiq dingh seiz cingj boux swnjcienz yisuz ngeihyienz ndokmax daengz ndaw yozyau son hagseng, hawj gyoengqde rox swnjcienz nem henhoh minzcuz vwnzva yizcanj.

(Nungz Yungjfang)