Veiz Vujgvanh ndoet gwn boi raemxheu seiz, sawqmwh nyouq daengz raq heiqhom daegbied he, raq heiqhom neix dwg daj gwnzndang dah saulengj fat okdaeuj, raq heiqhom neix lumjbaenz feih laeujget nei nyex de maez bae. Caiq gyahwnj de raen fajnaj caeuq aenndang dah saulengj, caen dwg dah saulengj soqlaiz caengz raen gvaq ndeu. Dah saulengj liz de baenzneix gyawj, lij bwnq raemx hawj de gwn. Boi raemx neix yawz yied gwn yied ndat? Yied gwn yied gamjdaengz hozhawq? Veiz Vujgvanh daengx ndang lumj feiz coemh nei, sojmiz gi’gvanh cungj gawhbongz lo, daegbied dwg diuzviz ndaw dangzvaq raemhrwnh daengj hwnjdaeuj, lumj diuzsak nei. Mbouj ndaej, baenzneix roengzbae aeu vaih danaj lo.

Mwngz deuz! Aen bak Veiz Vujgvanh nyoengx hai boi raemx rongx naeuz.

Dah saulengj mbouj wt mbouj deuz.

Deuz ha!

Saulengj yawj coh Veiz Vujgvanh, sawqmwh fwt riugekgek haujlai nanz.

Lij dwg mbauqseng ba? Saulengj dingz mbouj riu le cam naeuz.

Veiz Vujgvanh mbouj dap vah de. Neix hix dwg souj gijliz caeuq souj mimiz ndawde aen ndeu, de gag baenzneix dingh.

Aen ranz neix dwg aen ranz gou, gou dwg youq ndaw ranz gou, saulengj naeuz.

Aen ranz mwngz uq lai, yungh gij cienz gyuekuq daeuj cawx ndaej. Veiz Vujgvanh naeuz.

Aen ranz neix dwg yungh fajnaj caeuq aenndang gou vuenh ndaej daeuj, gig habhoz gou youq. Saulengj naeuz.

Aen ranz neix gig vaiq couh mbouj dwg aen ranz mwngz lo.

Vih gijmaz?

Mwngz mbouj rox ha?

Mwngz lwnh gou nyi ba.

Bouxsai mwngz itdingh rox.

Ndaek bouxsai geq haenx dwg mwngz gijmaz vunz? Dwg boh mwngz?

Mwngz mbouj dwg yah bouxsai neix, mbouj lumj.

Baenzlawz mbouj lumj, mwngz baenzlawz yawj ndaej ok mbouj lumj?

Aen haedfwngz mwngz lij raek youq lwgfwngzcod, gangjmingz mwngz lij dwg ndangndeu. Mwngz youh caeuq ndaek vunzsai gwnz laeuz caemh gwn caemh youq, gangjmingz mwngz dwg de bau ciengx. Aen ranz neix dwg ndaek bouxsai haenx cawx hawj mwngz, dwg ngaenz fujbai. Dwg lwi?

Saulengj mbouj gangjvah lo, naemj yaep ndeu le sawqmwh fak Veiz Vujgvanh mbat ndeu. Doeklaeng de yawj coh gwnz laeuz, byaij daengz baklae hemq naeuz: Vangz Dadungh!

Veiz Vujgvanh hix yawj le yawj gwnz laeuz, ndawsim naemj naeuz, Gvanghhoj daxau caeuq Vangz Dadungh ndaek fujbai fwnswj neix yawz lij caengz roengzdaeuj ne? Song boux de dauqdaej yaeng le gijmaz?

Gvanghhoj daxau caeuq Vangz Dadungh doeklaeng roengzdaeuj lo. Gvanghhoj daxau byaij doekgonq, Vangz Dadungh gaen riengzlaeng, song boux caemhdoih byaij roengz laeuz daeuj. Veiz Vujgvanh loeklak fatyienh, Gvanghhoj daxau song fwngz mbouj deng cug lo, de gaenq ndaej swyouz lo. Vangz Dadungh hix lumj bouxvunz yiedcingz hozunq, youh lumjbaenz soengq bouxhek bae nei.

Gvanghhoj daxau caenfwngz gej diuzcag Veiz Vujgvanh gveng gvaq henz bae, doeklaeng naeuz, Vujgvanh, rag aensieng caeuq riuj aen daehnaeng daeuj, raeuz byaij!

Veiz Vujgvanh ngawzngwd cim coh Gvanghhoj daxau, youh yawjyawj ndaek fujbai fwnswj Vangz Dadungh, de caen loengh mbouj mingzbeg, saehcingz rox bienqbaenz yienghneix. Gvanghhoj daxau yawz caeuq ndaek fujbai fwnswj gangjhuz la? De laeuhdaej aen sinhfwn swhgeij mboujcaengz? Daiq gij ngaenz fujbai fwnswj bae, cix mbouj daiq ndaek vunz de deuz?

Gaej siengj baenzlai lo, raeuz byaij ba. Vaiq byaij. Gvanghhoj daxau mienh fwngz nyoengx Veiz Vujgvanh mienh naeuz.

Veiz Vujgvanh rag dawz aensieng, youh riuj aen daehnaeng gaen Gvanghhoj daxau lizhai aenfuengz 1801 hauh lo. Vangz Dadungh caeuq dah saulengj doekseng youq mbanjranz Liuz Samcej haenx da daengx dwk cim coh aensieng caeuq daehnaeng cang rim gimngaenz neix, lizhai yied bae yied gyae. Gvanghhoj daxau yaek okdou gaxgonq lij veq gyaeuj yiengq Vangz Dadungh caeuq dah saulengj vadfwngz. Cij raen Vangz Dadungh song fwngz got aek, fajnaj haemzsub danhseih cix riungoemx, lumjbaenz soengq boux vunzcaen caeuq baengzyoux baezlaeng ciengxlwenx caiq hix mbouj raennaj nei. Dah saulengj cix fajnaj haendwt, lumjbaenz yawj boux dajgiep vunzcaeuz deuz bae nei. Danhseih aenvih deng Vangz Dadungh hanhhaed, dah saulengj cix mbouj gamj gyoep okbae.

4

Gvanghhoj daxau naj doiq aen digiuzyiz, nyaeuq bwn’da naj haemzsub. Neix dwg aenvih, lajbiengz haujlai deihfueng de cungj siengj bae, danhseih cungj bae mbouj ndaej. Gvanghhoj daxau gag gej naeuz lumj de boux daegbied sinhfwn neix, ok guek gig mbouj fuengbienh. Ngaenz mbouj dwg vwndiz, hoeng hucau couh nanz banh lo, ciemcwngq hix dwg aen vwndiz ndeu. Goengsaeh seisaeh ginggvaq saemjcaz aen gvan neix couh doeng mbouj gvaq. Baez banh cwngq, sinhfwn couh laeuhdaej lo, lumj aen sinhfwn gingjcaz de ciengeiz laeuhdaej mbouj ndaej bw. Mbouj ndaej vih yaepseiz ok guek cix yingjyangj daengz guekgya caeuq yinzminz ancienz. Bitgingq cujciz beizyangj bouxdiemjyaet ndeu gig mbouj yungzheih. Gij saeh swhgeij ancienz dwg saeh iq, cujciz gijliz caeuq yenzcwz dwg daihsaeh. Guekrog bae mbouj ndaej lo, ndaw guek ne? Gvanghhoj daxau ndawsim gig ndaemqndeq. Aenvih ndaw guek haujlai deihfueng cungj bae gvaq lo, caiq bae hix mbouj miz eiqsei lo. Giz caengz ndaej bae gvaq, beij Namzningz lij yaez ndaej lai. Aensingz Namzningz seizdoeng lij hai va baenzneix ndei mbouj youq, nanzdauh bae giz diegsa mbouj faex mbouj nywj ndoqndam haenx souhhoj?

Gvanghhoj daxau daengzlaeng gizlawz cungj mbouj bae, couh louz youq Namzningz, ndeindei yiengjsouh gij ndwenngoenz cwxcaih vaiqvued saek geij ngoenz.

Gvanghhoj daxau dwg youq aen ciujden hajsinggaep Namzningz Si Vujyezvah Daciujden guh cungj gejnaeuz caeuq gietdingh neix.

（8）

韦五宽喝着清凉的水，忽然闻到一股特别的香味，那是从美女的身上散发出来的，这香味像好酒一样让他着迷、陶醉，还有兴奋。再加上他见识美女的容貌和身材了，这是他亲眼见过的最漂亮动人的女人。这女人离他这么近，还给他水喝，喂他喝水。这水怎么越喝越热，越喝越渴？韦五宽觉得自己浑身就像被火烧一样，他所有的器官都膨胀了起来，特别是下面那玩意，嗖地勃了起来，像一根杵。不行，这样下去要丢人的。

你走开！韦五宽嘴拨开水杯，叫道。

美女没走。

走开啊！

美女看着韦五宽，忽然扑哧一笑，再咯咯地笑了很久。

还是童男子吧？美女不笑后说。

韦五宽没有回答。这也是要守的秘密和纪律之一，他自己制定的。

这房子是我的，美女说，我这是在我的家里。

你家的房子很脏，韦五宽说，用不干净的钱买的。

这房子是用我这张脸和身子换来的，美女说，很合适我。

它很快就不是你的了。

为什么？

你不懂吗？

你告诉我。

那你男人一定懂。

那个老男人是你什么人？你爸？

你不是那男人的老婆，不像。

怎么不像？你怎么看出来不像？

你的戒指还戴在小指上，说明还独身。但你又跟楼上那男人在一起，说明你是被包养的。这房子是那男人买给你的，用腐败的钱。对吧？

美女不说话，酝酿了一会，突然打了韦五宽一巴掌。然后她看着楼上，走到楼梯口，呼叫：黄大东！

韦五宽也看着楼上，心想光火叔叔和那叫黄大东的腐败分子怎么还不下来呀？他们到底在谈些什么？

光火叔叔和黄大东终于现身了。光火叔叔在前，黄大东在后，走下楼梯。韦五宽意外地发现光火叔叔已经没有捆绑了，他已是自由之身。黄大东也是一脸的热情和蔼，像是送客的样子。

光火叔叔亲手解开捆绑韦五宽的绳索，把绳索扔到一边，然后说五宽，把那箱子和包提上，我们走。

韦五宽茫然看着光火叔叔，又看看腐败分子黄大东，不明白事情怎么会这样？光火叔叔怎么和腐败分子和解了？他暴露自己的身份了还是没暴露？带走腐败分子的钱，却不带走腐败分子？

别想了，走吧。快走。光火叔叔一边推动韦五宽一边说。

韦五宽拖拉着箱子，拎着皮包，跟着光火叔叔离开1801。男人黄大东和出身刘三姐家乡的美女眼睁睁地看着他们和装满金钱的箱包，距离越来越远。光火叔叔临出门还回头向黄大东和美女轻轻地挥了挥手。只见黄大东双手抱胸，眼含悲伤脸却笑着，像是送别永不再见的亲人和朋友。而他身边的美人眼脸只有愤怒，像是看着打家劫舍的仇敌逃离。但是受制于男人黄大东的威严，美人的愤怒没有没有化成追击的行动。

4

光火叔叔对着一个地球仪，愁眉苦脸。因为，世界上很多地方，他都想去，但都去不了，或没法去。光火叔叔解释说像他这样特殊身份的人，是不便出国的，难度很大。钱已经不是问题，但护照是一个问题，签证也是个问题。因公因私，审查这一关是通不过的。 一办证，他的身份就暴露了，而他的身份是万万不可暴露的。不能为了一时的休假，影响到国家和人民的安全。毕竟组织培养一个卧底是极为绝密的，也是极为珍惜的。个人安全事小，组织纪律和原则事大。国外是去不了了，那么国内呢？光火叔叔也很犯难。因为，国内的大部分地方他都去过了，没兴趣再去了。而那些没有去过的地方，实在是比南宁还差。南宁这么漂亮的连冬天都有花开的城市不呆，难道要去那些寸草不生的沙漠小镇受苦吗？

最后光火叔叔决定，哪都不去，就留在南宁，好好享受目前难能可贵的舒服生活。

光火叔叔是在南宁五星级的五月花大酒店做这个解释和决定的。 (八)