Diucaz ndaej rox, bouxlaux guek raeuz 65 bi doxhwnj ndawde daih’iek miz 21% bouxsai caeuq 60% mehmbwk baenz ndok soeng ndok byoiq, 80 bi doxhwnj bouxlaux ca mbouj lai 100% baenz cungj bingh neix. Baenz ndok soeng ndok byoiq cujyau dwg ndaw ndang noix gai yinxhwnj.

Gaenh geij bi daeuj miz yozcej yenzgiu cingqsaed, bouxlaux noix gai gizsaed couh dwg mak haw, noix gai cij dwg cungj biujmienh yienhsiengq he. Linzcangz yenzgiu cingqsaed, bouxlaux bouj mak mboujdanh ndaej demgiengz sibauh ndok vuedsingq, hawj aenndang ndaej lai supsou leihyungh gai, caemhcaiq ndaej fuengz ndaw ndang sied gai. Conhgyah naeuz, yw bouxlaux ndok soeng ndok byoiq gvanhgen dwg bouj mak.

Gijgwn bouj mak haenx miz: Ngveih makhwzdauz、lwgraz、noh maknganx、ceh gaeujgij、gyaeqraem doihduz、byaekgep、maklaeq、nohma daengj. Linghvaih, guh yindung daeuj bouj mak hix cibfaen youqgaenj, bouxlaux ndaej guh youzbyaij、niuj- yanghgoh、dwk mwnzgiuz、menhbuet、dwk daigizgenz、diuqfoux、guh bauj- gencauh daengj. Naengh genhciz guh roengzbae, ndaej baujciz heiq mak hoengh, ndang vunz couh mbouj yungzheih noix gai lo.