●Bi’gvaq, Yungzanh Yen gungh gemjsiuj vunz gungzhoj 0.9 fanh lai boux, gemjsiuj gungzhoj beijlaeh 10.41%. Roengz 946 fanh maenz guhsat 56.02 goengleix roen mbanj gaep, roengz 160 fanh maenz guh hong sawqdiemj doxcoengh fuzbinz, cuengq sat 1000 fanh maenz daigvanj iq diep leihsik.

(Veiz Cujswz)

●Bi’gvaq, Bingzgvei Gvanjlijgih roengz 5000 lai fanh maenz youq dieg saujsu minzcuz guh ndei gihcuj sezsih. Ndawde, roengz 1200 fanh maenz guh roen, 300 lai fanh maenz guh yinxraemx sezsih, 2000 lai fanh maenz gaijguh ranzyiemj, 700 lai fanh maenz banh gyauyuz, 800 lai fanh maenz guh saeh- wnq. Guh gijneix, hawj dieg minzcuz ndaej fazcanj lai.

(Vuz Lifangh)

●Bineix, Lingzyinz Yen dingh guh cib gienh saehsaed vih vunzlai. Gij saeh neix baugvat goengloh gyauhdungh、vanzging henhoh、ranzyouq baujcang、vwnzva gyauyuz、yihliuz veiswngh、ancienz vwnzmingz daengj.

(Loz Hihhaij)

●Geij ngoenz gonq, Denhdwngj Yen dawz 1066.71 fanh cienz bangbouj lajmbanj yivu gyauyuz hagseng gaijndei yingzyangj bued daengz ndaw yienh 13 aen yanghcin cungh siuj yozyau, gibseiz vih daengx yienh 35557 boux hagseng gwn ngaizromh nem ngaizringz ndaej bauj gaeuq cienz.

(Liengz Cwngzfuj Nungz Haijvei)

●Bineix, Duh’anh Yauz- cuz Swciyen roengz 4131.6 fanh maenz saedhengz yivu gyauyuz gaihdon hagseng yingzyangj gaijndei giva, miz 6.9 fanh boux hagseng saujsu minzcuz souh’ik.

(Lanz Fuzgvanh)