Gaenh bi daeuj, Swhyenz Yen youq ndaw yienh haeujlaeg gaihcanj“sam haeuj sam coengh”hozdung, coicaenh minzcuz cunghgyau doxgiet.

Haeuj cunh roengz mbanj, bangcoengh doenghgij ranz saujsu minzcuz nem doenghboux saujsu minzcuz saenq cunghgyau de. Cujciz daengx yienh dungjcan veijyenz nem doenghboux ganbu mbouj dwg gungcanjdangjyenz de、veiswngh bumwnz doenghboux canghyw mbouj dwg gungcanjdangjyenz de、doengh- boux lauzdung baujcang bumwnz de caeuq doenghgij ranz saujsu minzcuz nem doenghboux saujsu minzcuz saenq cunghgyau de“guh doiq bangcoengh”. Ciuq gyoepsuenq, daj bi’gvaq daeuj, coengh doenghgij ranz saujsu minzcuz nem doenghboux saujsu minzcuz saenq cunghgyau de gaijgez vwndiz 100 lai aen, mienxfeiq yawjbingh 10 ciengzbaez, ciuyez beizyin 8 banbaez, gaijgez doenghgij ranz saujsu minzcuz de 1000 lai vunz ciuyez.

Haeuj giyez segih, bangcoengh doenghboux cizgungh saujsu minzcuz nem doenghboux cizgungh saenq cunghgyau de. Cizgiz senhconz minzcuz cwngcwz nem cunghgyau cwngcwz, dingh seizgan codanzvei, gyalaeg caeuq doenghboux cizgungh saujsu minzcuz nem doenghboux cizgungh saenq cunghgyau de dox- doeng, cungfaen henhoh gienzleih gyoengqde, coicaenh minzcuz doxndei.

Haeuj yozyau bae, bangcoengh hagseng saujsu minzcuz. Lai fuengmienh guh doxcoengh hozdung, anbaiz boux lauxsae ndeu、boux hagseng maenhndei ndeu caeuq boux hagseng saujsu minzcuz ndeu gyoebbaenz doiq“song gya ndeu”, coengh nem dazyinx hagseng saujsu minzcuz gaijndei hagsib fuengfap, gvensim swnghhoz gyoengqde.

(Dangz Cin/唐 俊)