5 nyied 9 hauh, Nazboh Yen Bwzswngj Yangh Bohvuj Yizcuz beixnuengx hoenghhwd gawjbanh “Cietgouzfwn” hozdung. Cietgouz- fwn dwg aenciet conzdungj ndawbiengz Yizcuz beixnuengx, gaenq miz cien lai bi lizsij, dwg aen ciet gig sinzswng ndeu.

Youq ngoenz cietgouzfwn, gyoengq beixnuengx Yizcuz gaj ma gaj mou caeq goengdeih, gaj vaiz caeq goengmbwn gouz fwn, gyoengq mehmbwk dahsau Yizcuz couh riengz sing gyong ciengq go diuq foux, bouxcoz boq mbawfaex doxlienh. Beixnuengx Yizcuz youq ngoenz cietgouzfwn gouz goeng- mbwn baiq goengdeih, biujyienh le daihdaih vunz Yizcuz gouz muengh baelaeng saedceij engqgya fouqmiz vuenyungz.

(Lij Yungjfungh)