●5 nyied 16 hauh, Denhdwngj Yen gawjbanh daihngeih gaiq ngoenz cwngvu gunghgaih hozdung, youq guh hozdung seizde, Denh- dwngj Yen Minzcuzgiz nda daiz camdap, sij banjbau, fat 200 lai faenh minzcuz cwngcwz fazgveih senhconz swhliu, gaijgez ginzcung vwndiz 20 lai aen, vunzlai ndaej caenh’itbouh roxyiuj mizgven cwngcwz, sevei yaugoj gig ndei.

(Vangz Souciz)

●5 nyied 15 hauh, Liujcouh Si Cwnghez、Yungzsuij Myauzcuz Swciyen Cwnghez lienzhab Gveilinz Yinzhangz Liujcouh Fwnhhangz Cwnghez veijyenz daengz Yungzsuij Myauzcuz Swciyen Gungjdung Yangh Yauzlungz Cunh guh bangfuz hozdung, soengq 10 aen dennauj nem ganjgeiz hawj Yauzlungz Cunh siujyoz, soengq gyaq dohlahgih ndeu hawj aen cunh neix, gijneix gungh dij 5 fanh lai maenz.

(Liu Swjyenh)

●5 nyied 14 daengz 15 hauh, Gveicouh Swngj Cunhyi Yen Gwzlaujcuz gaujcazcuj gungh 11 vunz, youz aen yienh neix minzcunghgiz lingjdauj daiqlingx, daengz Lungzlinz Gak Cuz Swciyen cazyawj cingzgvang Gwzlaujcuz, neix hawj song dieg Gwzlaujcuz doxgyau engq laeg.

(Dauz Dwzgvangh)

●5 nyied 13 hauh banhaet, Nazboh Yen Minzcuzgiz lingjdauj ganbu daengz Lungzhoz Yangh Sungbingz Cunh gaihcanj“giet it lienz haj”hozdung, aen giz neix moix boux lingjdauj ganbu faenbied caeuq 5 ranz ginzcung gapbaenz bangfuz gvenhaeh, guh daengz dingh vunz dingh ranz bangfuz.

(Vangz Bizvaz)

●5 nyied 15 hauh, daihcib- ngeih geiz si saujsu minzcuz ganbu beizyinbanh youz Gveilinz Si Cujcizbu、Gveilinz Si Minzveij、Gveilinz Si Dangjyau cujciz de youq Linzgvei Yen Dangjyau cingqsik haiban. 45 boux saujsu minzcuz ganbu daj ndaw si 11 aen yienh 6 aen cwngzgih caeuq 15 aen minzcuz yangh daeuj de camgya beizyin.

(Gveilinz Minzveij)