Bonjbauq siusik (gicej Yangz Lanzgvei Dangz Lungz) Geij ngoenz gonq, 《Cungguek Minzcuz》 Guengjsae Daegganh okbanj lo. Bonj cazciz neix youz Minzcuz Doxgiet Cazcise、Gvangjsih Boux- cuengh Swcigih Minzveij、Minzyijveij doengzcaez doiok, dwg vihliux doiq gwnzbiengz lwnh hong minzcuz gih raeuz, caemhcaiq fathengz doh daengx guek. Bonj neix dwg bonj cazci guekgya gaep baez daih’it aeu Sawcuengh Sawgun daeuj biensij de, doz saw caemh ndei、 yienghsiengq gig gyaeu、daegsaek noengzna, neix hawj Sawcuengh youq guekgya gaep cazci “oknaj” le ndeiyawj caixraix.

Bonj cazciz neix gungh nda“saedyienh siengjmuengh Guengjsae”、 “huzndei Mbanjcuengh”、“rumz bongj raemx hwnj”、 “gizdieg fwen go goksasa”、 “simmaez Guengjsae” haj gaiq. Roengz rengz hung lwnhgangj le gih raeuz minzcuz gvenhaeh huzndei, ginghci fazcanj gig vaiq, minzcuz vwnzva lai cungj lai yiengh、caemh miz caez hoengh, doenghgij doxgaiq Mbanjcuengh gag miz de gig yinx vunz, diegdeih byaraemx gyaeundei dangqmaz, ndawbiengz minzcuz doxgiet.

Ciuq cam rox, Swcigih Minzveij、Minzyijveij gig yawjnaek okbanj bonj daegganh neix, Swcigih Minzveij、Minzyijveij cujyin Luz Yenbenj caenndang dang bouxoksaw.

Ciuq cam rox,《Cungguek Minzcuz》dwg Guekgya Minzveij banh, youq 1957 nienz heij banh, moix ndwen ok geiz ndeu, cienzmienh baudauj daengx guek 55 aen saujsu minzcuz cwngcwz、ginghci、vwnzva、gyauyuz daengj. Bonj cazci neix seizneix aeu Sawgun、Sawcauzsenj、Sawmungzguj、Sawveizvuzwj、Sawhahsazgwz、Sawyinghvwnz daengj roek cungj saw okbanj. Bonj Gvangj- sih daegganh neix dwg《Cungguek Minzcuz》baez daih’it aeu Sawcuengh Sawgun okbanj.