Veiz Vujgvanh ndawsim baez saenz, de cungjsuenq roxyiuj, baenzlai ngoenz gamyawj aen muzbyauh caeuq doiqsiengq couh dwg fujbai fwnswj. Rox aen muzbyauh caeuq doiqsiengq le, sawqmwh hawj Veiz Vujgvanh gamjdaengz baenzlai ngoenz haemzhoj demqyawj caen miz gyaciz caeuq yiyi lai raeuh bw. Aen yinvu baenzlai youqgaenj, gingqyienz heuh gou boux vunz mbouj dwg gingjcaz ndeu daeuj gidij saedhengz, dangyienz, dwg youz Gvanghhoj daxau gingjcaz daeuj dazyinx saedhengz, danhseih mboujguenj baenzlawz gangj, neix caen dwg aen yinvu gig miznaj ndeu ha! Veiz Vujgvanh baenzneix naemj.

Gvanghhoj daxau, aen yinvu baihlaeng dwg gijmaz? Cingj mwngz vaiq roengz minghlingh hawj gou ba! Veiz Vujgvanh naeuz.

Gvanghhoj daxau yawj le yawj aenmbwn, yawjyawj gvaengzda Veiz Vujgvanh ndaemndet haenx naeuz, mwngz sien baema ninz ndiu he gonq, gij yinvu hungloet haenx lij youq baihlaeng ne.

2

Gvanghhoj daxau hai suj gisuz hawj Veiz Vujgvanh boiqfug raixcaix. Song caengz sujdou cibfaen gaugaep, Gvanghhoj daxau mbouj yungh daengz faen cung ndeu couh hai ok lo, caemhcaiq cij yungh fag cim ndeu caeuq vengq dauhben iq ndeu couh hai ndaej lo. Veiz Vujgvanh ndawsim gag siengj, yenzlaiz nyinhnaeuz youq ndaw denyingj cij yawj ndaej raen gij ciengzmienh dwzgungh caeuq bouxcaeg cij miz gij bonjsaeh neix, siengj mbouj daengz, youq ndaw yienhsaed hix yawj ndaej raen. Gvanghhoj daxau itdingh dwg boux gingjcaz bonjsaeh maenh’ak ndeu bw!

Song boux de seizneix yaek haeuj aen ranz haenx dwg aen Ouhgingj Dingzyenz D doengh 1801 fuengz, ciuqei Gvanghhoj daxau buenqduenh caeuq faensik, neix dwg giz diegyouq fujbai fwnswj ndawde giz ndeu, gidij daeuj gangj, dwg gizdieg gyoengq fujbai fwnswj youq ndaw yienh ndaw si diegrog hwnjban haenx, aenvih gyoengqde youq Namzningz soujfuj cawx ndaej gij ranz Namzningz gyaqcienz ceiq bengz. Gyoengq fujbai fwnswj neix cijdwg couhmoz cij dauqma youq, singhgizit cij dauqbae danhvei laebdaeb fujbai. Gij ranzyouq Namzningz gyoengqde, ngoenz hwnjban dwg hoengqvau laepndaem, cijmiz youq couhmoz cij raen miz daeng rongh. Baenzneix gangj daeuj, doengh ranz D couh miz 6 boux diegrog fujbai fwnswj, roxnaeuz dwg 6 aen rongz fujbai fwnswj. Danghnaeuz Gvanghhoj daxau buenqduenh faensik ndaej deng, goengmingz Veiz Vujgvanh couh hungraeuh lo. 15 ngoenz daeuj, de ngoenz dam hwnz maeuq dwk gvanhcaz, couh miz haujlai soundaej. Song de seizneix cingq haeuj gizdieg fujbai fwnswj ndawde giz ndeu bae, ciuq gij gangjfap Gvanghhoj daxau, dwg haeujbae saeujcaz baengzgawq famhcoih fujbai fwnswj.

Dangyienz, Gvanghhoj daxau lij caengz ndaej loh ok gingjcaz sinhfwn, youq mwh caengz gaemdawz gij baengzgawq famhcoih fujbai fwnswj gaxgonq, cijnaengz laeglemx bae saeujcaz. Gvangh- hoj daxau baenzneix gejnaeuz, Veiz Vujgvanh caiq hix mbouj rox gangj gijmaz lo.

Ndigah, daxbaenh Gvanghhoj daxau caeuq Veiz Vujgvanh haeuj ndaw Ouhgingj Dingzyenz bae seiz, cix mbouj gojnwngz cingqcingq gingging haeujdaeuj ha.

Song de cangndang baenz boux vunz cibfaen miz cienz he. Neix doiq boux gingjcaz ndeu daeuj gangj, di ndeu hix mbouj nanz. Yienzbonj Gvanghhoj daxau ndang couh miz di biz, loq lumj boux vunzfouq ndeu, baez daenj geu vaq diuqcag hwnjbae, byoemgyaeuj baez rub youz, diuz lienhhozgim lumj lwgfwngz baenz hung (Gvanghhoj daxau naeuz dwg huqgyaj) venj hwnj hoz, caen lumj goeng vunzfouq ndeu dahraix. Veiz Vujgvanh cix cangndang baenz bouxbangfwngz goeng vunzfouq, caiq riuj aen daehnaeng ndaem ndeu. Lwgbangfwngz goeng vunzfouq hix guh ndaej baenz yiengh baenz yaeuz, vihneix, Gvanghhoj daxau daegdaengq bang Veiz Vujgvanh cawx dauq buhsihcangh caeuq gouh haiznaeng ndeu, fouq nganxciuq ndaem ndeu dem. Geij yiengh neix baez daenj hwnj gwnz ndang bae, Veiz Vujgvanh daj ndaw cueng bohliz yawj cungj nyinh mbouj ok dwg swhgeij lo.

Dajcang ndei le, song de couh haeuj aen Oujgingj Dingzyenz bae lo.

Gvanghhoj daxau byaij youq doekgonq, Veiz Vujgvanh riuj aen daehnaeng ndaem ndeu gaen youq baihlaeng. Gvanghhoj daxau mienh byaij mienh daj dienhvah: Gijmaz? 100 fanh? 100 fanh hix aeu cingjsi gou? Baezlaeng 500 fanh doxroengz couh gaej yungh cingjsi gou lo, cigciep ra Vuz fucungj ciemcih couh ndaej lo! Gou seizneix? Youq Ouhgingj Dingzyenz! Ra bouxlawz? Dineix dwg mwngz wnggai cam ha? Gaej raemhraex lo, gou gven dienhvah lo o!

Mwh Gvanghhoj daxau daj dienhvah, song de ngauzngwd ngauzngad byaij gvaq dangqnaj baujanh, soengset dwk haeuj ndaw Ouhgingj Dingzyenz bae lo.

Veiz Vujgvanh caen boiqfug Gvanghhoj daxau raixcaix.

Seizneix, song de gaenq haeuj daengz giz diegyouq gyoengq fujbai fwnswj bae lo. 1801, dwg aen soqcih gig gitleih ndeu. Danhseih aenvih Gvanghhoj daxau caeuq Veiz Vujgvanh baez yamq haeujdaeuj, lauheiq couh mbouj gitleih lo. Neix dwg aenvih, song de dwg vih saeujcaz baengzgawq famhcoih fujbai fwnswj cij haeujdaeuj, vih cingqheiq haeujdaeuj. Veiz Vujgvanh ndawsim gag siengj, danghnaeuz gangj dwg miz leih, cijnaengz dwg doiq guekgya miz leih, doiq yinzminz miz leih lo.

Neix dwg dauq ranz gvangqmbub caepcoih gyaeugyet ndeu! Dan aen hekding couh miz buenq aen giuzcangz baenzneix hung, caemhcaiq lij dwg ndaw laeuz miz laeuz dem. Veiz Vujgvanh siengj, neix itdingh dwg aen ranzlaeuz boux fujbai fwnswj hung ndeu. De da daengx linx iet, ngawzngwd ndwn youq gizhaenx mbouj gamj yamq haeuj ndaw bae. Gvanghhoj daxau ngeux gyaeuj gvaqdaeuj heuh de gaen haeujbae, Veiz Vujgvanh lij dwg dinghdingh ndwn youq gizhaenx mbouj gamj gaen haeujbae. Gvanghhoj daxau naeuz, mwngz lau gijmaz? Byawz miz vunzndei lau vunzvaih? Cijmiz vunzvaih lau vunzndei hane! Neix dwg aenranz fujbai fwnswj, aenranz boux famhcoih. De vixvix bonjfaenh naeuz, gou dwg gingjcaz, youh vix coh Veiz Vujgvanh naeuz, mwngz dwg vunzndei, daengzcog hix yaek baenz boux gingjcaz ndeu, rox lwi? Gaen gou haeujdaeuj!

Veiz Vujgvanh deng Gvanghhoj daxau baenzneix gujli le, doq damzdingz hwnjdaeuj. De lumj Gvanghhoj daxau nei, vuenh gouh haizdaz cawjranz le gaen Gvanghhoj daxau haeuj ranz bae hainduj saeujcaz lo.

（3）

韦五宽心里一振，他终于知道他这么多天监视的目标和对象，是腐败分子。目标和对象的明确，顿时让韦五宽觉得他这么多天的辛苦潜伏有了价值和意义。这么重要的任务，居然是由一个还不是警察的我来具体执行的，当然，是在是警察的光火叔叔的指导下，韦五宽想，但不管怎么说，这真是一个光荣的任务啊！

两道光芒从韦五宽的黑眼圈里喷薄而出，投射到光火叔叔身上。光火叔叔，韦五宽说，下一个任务是什么？请给我下命令吧！

今天是礼拜一？光火叔叔说。

是的。

光火叔叔看了看天色，看看韦五宽发光的黑眼圈，说你先回去睡一觉吧，更艰巨的任务还在后头呢。

2

韦五宽对光火叔叔的开锁技术佩服得五体投地。那么高级的两道门锁，光火叔叔用时不到一分钟就全部打开了，而且开锁的工具就是一根针和一枚小刀片。只见小刀片往锁孔里一插，接着针往孔里一捅，再轻轻旋转刀片，门锁就开了。韦五宽心想，原来以为只有电影里的特工和神偷才有这个本领，想不到现实中也能亲眼目睹。光火叔叔绝对是一个本领超强的警察啊！

他们现在进入的门户是欧景庭园D栋1801，按照光火叔叔的判断和分析，这是腐败分子的住所，具体地说，是在外地的市县上班的腐败分子，因为他们在首府南宁买得起南宁最贵的房子。这些腐败分子只在周末回来享受，而星期一则回异地的单位继续腐败。他们在南宁的住宅，在工作日是空的和黑的，只有在周末才亮起来。如此说来，D栋的外地腐败分子就有六个，或者说六窝。如果光火叔叔的判断和分析准确的话，那么韦五宽就功不可没--十五天来他日以继夜的潜伏观察，就不会一无所获。他们现在正进入的是腐败分子们的其中一处住所，按照光火叔叔的说法，是进去搜查腐败分子的犯罪证据。

当然，光火叔叔还不能暴露警察的身份，在没有掌握腐败分子确凿的犯罪证据之前，暗中搜查是唯一的选择。对光火叔叔的这一解释，韦五宽同样深信不疑。

所以，刚才韦五宽和光火叔叔进欧景庭园的时候，是不能光明磊落或名正言顺地进来的。

他们得打扮成有钱人，非常有钱的人。这对特殊警察的光火叔叔一点也不难。光火叔叔本来就有点胖，显得富态，吊带裤一穿，头发一抹油，小指粗的金项链（光火叔叔说是假的）一挂，活脱脱一个大富翁。那么韦五宽呢？就装扮成大富翁的马仔，拎黑皮包的。富翁的马仔也得有模有样，为此光火叔叔特地为韦五宽买了一套西装，一双皮鞋，一副墨镜--这些东西一上身，韦五宽从橱窗的玻璃上都不认识自己了！

好了，他们可以进欧景庭园了。

光火叔叔走在前面，韦五宽拎着皮包跟后。光火叔叔一面走一面打着电话：什么？一百万？一百万也要请示我！以后五百万以下都不要请示我！直接找吴副总签就可以了！我现在？我在欧景庭园！找谁？这是你问的吗？不罗嗦了，我挂了！

在光火叔叔打电话时候，他们大摇大摆地经过保安的面前，轻松地进入欧景庭园。

韦五宽真是服了光火叔叔了。

现在，他们已经在腐败分子的住所里了。1801，很吉利的数字。但是由于光火叔叔和韦五宽的进来，恐怕就不吉利了。因为，我们是为搜查腐败分子的犯罪证据而来，为正义公平而来，韦五宽心想，如果说有利的话，那只能是对国有利，对民有利。

这是一套多么宽敞、豪华的房子啊！韦五宽只瞄一眼，就有了这样的感叹。光客厅就有半个排球场那么大了，而且楼中还有楼。另外，房子的装潢肯定和房子一样贵，因为房顶和四周都是金碧辉煌的，韦五宽心想，这绝对是一个大腐败分子的家。他瞠目结舌，并呆呆和怯怯地站着，不敢再往里走。光火叔叔回头招呼说跟上来。韦五宽还是不动。光火叔叔就说怕什么？哪有好人怕坏人的？只有坏人怕好人。这是腐败分子的家，罪犯的家。他指指自己，我是警察，他指指韦五宽，你，是好人，将来也要成为警察，懂吗？跟我来。

韦五宽受到光火叔叔的鼓励，勇敢了起来。他像光火叔叔一样，换上房主的拖鞋，然后亦步亦趋跟随光火叔叔，开始搜查。 (三)