Gaenh bi daeuj, Bingzgoj Yen yawjnaek nungzyez gveihmozva gingh- yingz nem canjyezva fazcanj, gyagiengz sonyinx nem gveihfan lajmbanj bienqdoengh gij gienzleih bau diegdeih de, coicaenh nungzyez fazcanj、nungz- minz laisou. Ciuq gyoepsuenq, aen yienh neix doenggvaq bienqdoengh gij gienzleih bau diegdeih de ndaej fazcanj daegsaek nungzyez 4.5 fanh moux, guh baenz 3 aen sifan gihdi, moix aen fanh moux, song aen sifan gihdi, moix aen 3000 moux, gvendaengz nungzminz 15982 hoh、nungzyez giyez nem conhyez hozcozse 46 aen. Bi’gvaq miz 28500 lai vunz ndaej daengz gak aen dajndaem gihdi guh honglingz, moix boux laisou 9600 maenz, neix saedyienh le“song fwngz nungzyez”, couhdwg nungzminz fwngzswix gaem cienz co diegdeih、fwngzgvaz gaem cienzgoeng.

(Bingzgoj Minzcuzgiz)