4 nyied 26 hauh, Bwzswz Si gyoengq boux gyauhdungh gingjcaz caeuq gyoengq boux vangjyouj miz simgyaez haenx guh gien ngaenz bang hag hozdung. Gyauhgingj cihdui bouxminzgingj 、Bwzswz Caujgwnh Gunghyizdonz、Bwzswz Simgyaez Baujbei Ginz daengj doengh boux miz simgyaez haenx caeuq Dalwngj Yangh Cunghsinh Yau 16 boux hagseng ranz gungzhoj haenx laemzseiz gyoebbaenz “ranz simgyaez”, guh “canhgvanh aen hagdangz ndeu 、yawj ciengz denyingj ndeu、gwn donq haeux yingzyangj ndeu” hozdung, gujli gyoengq hagseng gag roengzrengz mbouj soengheiq, haenqrengz baenaj. Gyoengq boux simgyaez soengq ngaenz、saw、daehsaw、vwnzgi hawj 16 boux hagseng haenx.(Veiz Cingh)