1、Nohyiengz boiq hingndip. Nohyiengz ndaej bouj lwed raeuj mak, hingndip ndaej dingz in giep fungcaep, youh ndaej cawz haeusing. Song yiengh dapboiq cauj gwn, ndaej yw laeng hwet caep in、seiq genga fungcaep in.

2、Nohgaeq boiq maklaeq. Nohgaeq ndaej bouj dungx caux lwed, maklaeq ndaej cangq dungx, dungx cangq cix mizleih supsou yingzyangj, caux lwed gihnwngz hix gaenriengz demgiengz, yungh noh gaeqmeh laux caeuq maklaeq aeuq dang gwn, yingzyangj lai youh ndei gwn, bouxlaux lwgnyez cungj hab gwn.

3、Nohbit boiq maenzcienz. Nohbit ndaej nyinh yaem, ndaej siu hwngq dingz ae. Maenzcienz ndaej bouj yaem, caeuq nohbit dapboiq gwn, ndaej cawz nywnx, bouj bwt yaugoj hix engq ndei.

4、Nohbya boiq daeuhfouh. Bya caeuq daeuhfouh cungj dwg gijgwn danbwz sang, danhseih soj hamz danbwzciz caeuq anh- gihsonh habbaenz lij caengz gaeuq hableix. Danghnaeuz dawz song cungj de doxgap gwn, song cungj danbwzciz de couh bienq ndaej caezcienz lai lo, leihyungh gyaciz hix daihdaih daezsang.

5、Daepmou boiq byaekbohcai. Daep- mou hamz miz yezsonh、 veizswnghsu B12 caeuq dez daengj gij caizliuh caux lwed neix, byaekbohcai hix hamz miz yezsonh caeuq dez haemq lai. Song cungj byaek neix doxgap gwn, dwg aen danyw fuengzceih bouxlaux lwedhaw ndei ndeu.