4 nyied 18 hauh, 2014 Denzlinz·Cungguek Heiq- cuengh Ginzcung Vwnzva Yisuz Hozdung Couh youq Denzlinz Yen gawjbanh. Gungh miz 58 aen nungzminz yezyiz Heiqcuenghduenz daeuj camgya byaujyenj, gij Heiqcuenghduenz neix dwg daj Denzlinz Yen gak yanghcin daeuj. Heiqcuengh dwg heiq conzdungj Bouxcuengh, fathwnj Denzlinz Yen, daengz seizneix gaenq miz 300 bi nanz lo, ginzcung gihcuj laegna, gig ndaej daengz ginzcung gyaezmaengx haenhndei. 2006 nienz, Heiqcuengh ndaej senj haeuj buek daih’it guekgya feihvuzciz vwnzva yizcanj mingzloeg. Youq dangdieg cwngfuj dazyinx daiqdoengh baihlaj, Heiqcuenghduenz fazcanj gig vaiq, daj 2006 nienz 10 aen fazcanj daengz seizneix 73 aen.(Vangz Yaubangh)