Gizsaed, doenghgij yigen bouxyawj, gangj gyoengqde dwg deng vah Loeg Daihdamj yukyon, lij mboujyawx gangj dwg vih rimhoz gyoengqde ndaej yawj roegvameiz doxdoj gvaqyinx engq hab di. Siengj daengz ngoenzneix song duz roeg vih ceng gvan yaginh doxbuek doxdoj cix mbouj yinxdaeuz saek di, ndawsim caeux couh mbouj angq lo, seizneix miz boux diuhcan yienghneix, yawjdaeuj itdingh miz bonjsaeh caen, mbouj dwg miz cungj gangjfap:“Bouxdaeuj mbouj sienh, bouxsienh mbouj daeuj”, “riengmax mbouj raez mbouj gvaq gai, gaeuvaiz mbouj soem mbouj gvaq gyaiq” haenx ha? Boux yaek diuhcan lai doxdax geij ciengz, hawj vunzlai yawj, gvaqgvaq yinx, baenzneix nanz ndaej, gizlawz ndaej cuengq gvaq?

Lij Geiqcing lumjbaenz dingq mbouj daengz gij vah neix, cij goq caeuq Loeg Daihdamj naeuz:“Gou daeuj diuhcan mbouj dwg daeuj swngzgei maeuz leih, hoeng mwngz hix gaej siengj gaigvai ciemq bienzngeiz. Duzdinggyaeuj mwngz song ngoenz neix doxdax geijlai ciengz, duzakgvaqlungzfungh gou hix doxdax geijlai ciengz, doiq ndaej hwnj mwngz, doiq ndaej hwnj bouxyawj. Cijdwg vah youh gangj dauq, danghnaeuz duzakgvaqlungzfungh gou cungj hingz le, duzdinggyaeuj mwngz gamj mbouj gamj doxdoj?”

Daengz aen deihbouh neix, Loeg Daihdamj siengj naeuz mbouj doxdoj hix mbouj ndaej lo, caiq gangj duzakgvaqlungzfungh caen dwg doxdoj geij ciengz le, danghnaeuz cungj ndaej hingz, itdingh hix naetnaiq mbouj miz rengz lo. Daengz seizhaenx duzdinggyaeuj youh lau gijmaz? Hwhw, mwngz siengj caeuq gou daeuq, lij oiq ne. Loeg Daihdamj yienghneix siengj, ndawsim couh miz geij faen daekeiq.

Lij Geiqcing hix mbouj huk, de hix rox, guh vuengz guh yax, dwg gij saeh mingz leih cungj ndaej sou, boux ngah boux da’ndat gig lai, yaek guh vuengz guh yax itdingh mbouj dwg saeh yungzheih aeu ndaej. Mboujgvaq, gyadaej swhgeij swhgeij rox, duzakgvaqlungzfungh Lij Geiqcing gaenq ciengx yaek daengz song bi lo, Lij Geiqcing mboujdanh saeqsim son’gyauq ok ciu ak daeuj, lij daegdaengq doiq duzakgvaqlungzfungh haenq lienh laebdaeb doxdoj cib ciengz, lienh ok rengz hung, ngah doxdoj, gisuz doxdoj gig sang cungj daegdiemj neix. Baez doxdax neix dwg doxdoj saw le couh mbouj ndaej caiq doxdax, ndigah duzdinggyaeuj yienznaeuz mingzdaeuz dwg doxdax song ngoenz lo, hoeng gizsaed cij mbouj gvaq dwg doxdax gvaq haj roek ciengz. Neix doiq duzakgvaqlungzgungh daeuj gangj daiq yungzheih lo. Lij Geiqcing ndawsim mizsoq, ndigah gaenbonj mbouj dawz gij doxdax neix cuengq youq ndawsim.

Caen dwg Lij Geiqcing liuh ndaej daengz haenx dahraix, mbouj daengz cit buenq bau ien seizgai, roek ciengz doxdax gaenq doxdax sat lo. Duzakgvaqlungzfungh doxdoj ndaej gig yungzheih, mbouj feiq gijmaz rengz couh hingz geij duz roeg haenx, duzde cij lumj soengsoeng ndokndang. Gij sing heuh de goksadsad, hawj mwngz mbouj ndaej mbouj nyinh de saedsaeh dwg ak; gij yiengh de gyaeuj daengjngaungau, hawj mwngz gamjdaengz de ak ndaej mbouj ndaej heifouh de.

Mbouj hawj duzakgvaqlungzfungh yietnaiq saek yaep, Loeg Daihdamj couh cuengq duzding- gyaeuj de haeuj ndaw loengz bohloz gwnz saeuroegvameiz bae.

Duzakgvaqlungzfungh cingq ngiengx gyaeuj heuh haenx raen duzdinggyaeuj haeujdaeuj, couh vadvad fwed, diemjdiemj gyauj, biujsi doxndei, gij yiengh lumj bouxvunz gig roxlaex nei. Duzdinggyaeuj cix mbouj dwg yienghneix, gingqyienz mbin coemj coh duzakgvaqlungzfungh, siengj swnh duzakgvaq- lungzfungh caengz baij ndei gij yiengh yaek doxdoj sien gung de. Ciu neix dwg ciu sien baij ok vifung Loeg Daihdamj gyauq okdaeuj haenx. Duzdinggyaeuj youq song ngoenz gonq doxdax haenx doxdax hainduj cungj yungh ciu neix, vanzlij ciuciu ndaej baenz, sawj doiqfueng caengz doxdoj couh lau gonq. Gyoengqvunz ngonzyawj haenx cengq hung lwgda, lienz heiq hung cungj mbouj gamj ok, ndawsim cungj vih duzakgvaqlungzfungh yousim. Hoeng duzdinggyaeuj saetsuenq lo, gisuz doxdoj duzakgvaqlungzfungh gaenq gig sug mbouj miz duz roeg wnq beij ndaej, ok ciu lawz ndaej hingz ndawsim cungj mizsoq. Dang duzde raen duzding- gyaeuj mbouj gangj daudwz doxdoj, couh miz geij faen mbouj angq, youh raen doiqfueng coemj daeuj gig haenq, siengj dot sieng gyaeuj de cij simlaemx, couh huj yaek dai. Youq mwh duzdinggyaeuj yaek mbin gyawj de, de couh riengjret mbin hwnj sang, caj duzdinggyaeuj mbin daengz, couh iet nyauj soem de, riengjret vaek roengz duzdinggyaeuj bae. Cij dingqnyi duzdinggyaeuj sing swenj siliengz he, couh raen duzdinggyaeuj doek daengz daej loengz, lij caengz caj duzdinggyaeuj bin hwnjdaeuj, gyauj daihngeih duzakgvaqlungzfungh youh vaek daengz lo, ciepdwk aenbak geng gvaq cimdiet haenx hix dot roengzbae. Geij yiengh dungcoz neix mbat ndeu guh caez, riengjretret. Gyoengqvunz lumjbaenz cij yawjraen duzakgvaqlungzfungh mbin hwnj mbin roengz, saedcaih yawj mbouj raen gij yiengh duzdinggyaeuj deng vaek deng dot. Couh lienz vwnzva cunghsinh cujyin ndaej gvaq ciengj “Vunzmoq Byaraiz” daengx yienh damzraih doxdax haenx lij caengz ganj ndaej gib gaisau gejnaeuz, geij yiengj dungcoz neix couh gaenq guh sat lo.

Gyoengqvunz laihnaeuz duzdinggyaeuj cij mboujgvaq dwg doxdoj mbouj swnh, lij caengz daengz cungj deihbouh ngamq dot mbat he couh baih roengzdaeuj, daihgya couh iet hoz mbaet heiq cengq da dinghdingh yawj aenloengz bohliz, caj yawj duzakgvaqlungzfungh caeuq duzdinggyaeuj lumj byajmig nei doxbuek doxdoj, buek dwk mwngz dot gou coemj mwngz haenq gou yak mwngz dai gou lix bae. Hoeng, faen cung ndeu gvaqbae lo, song faen cung gvaqbae lo, sam faen cung gvaqbae lo, seiq faen cung gvaqbae lo, haj faen cung gvaqbae lo, cij dwg raen duzakgvaqlungzfungh lumj boux ciengginh cunz singz nei, vifung ngaungau yet hwnj yet roengz, seiz mbouj seiz ngiengx gyaeuj bek fwed, sing hung heuh geij sing, cix mbouj raen duzdinggyaeuj ndwn hwnjdaeuj, caemhcaiq doengh hix mbouj doengh.（11）

其实，观众的这些意见，以其说是受了陆大胆的话的挑唆，还不如说是为满足其观赛之瘾更确切些。想今天冠亚军争夺赛竞赛得没滋没味的，心里早就老大的扫兴，现在有这么个挑战者，看来一定是个有真本事的，不是有那种说法：“来者不善，善者不来”，“马尾不长不过街，牛角不尖不过界”吗？要挑战者多斗几场，饱饱眼福，尽尽兴致，这么难得，岂能放过？

李记清似乎听不到这些话，只顾向陆大胆说：“我来挑战并不是来投机取巧，但你也别想卖乖占便宜。你的叮头叮这两天赛了多少场，我的赛龙凤也赛多少场，对得起你，对得起观众。只是话又说回来，如果我的赛龙凤都赛赢了，你的叮头叮敢不敢斗？”

到了这个地步，陆大胆想说不斗也不行了，况且赛龙凤如果真的赛过几场后，假设能赢过来，想必也筋疲力尽。到那时叮头叮又何所俱？哼哼，小子，要跟我玩，还嫩着呐。陆大胆如是想，心中便禁不住生出几许得意来。

李记清也不笨，他也知道，称王称霸，是名利双收的事，眼馋眼红眼热者大有人在，要称王决不是轻而易举的事的。不过，自家的底子自家知，赛龙凤已被李记清养上近两年时间了，李记清不但悉心调教出绝招来，还有意对赛龙凤进行轮番连续十场斗的强化训练，练就了斗劲大，斗劲足，技艺高的特点。这次比赛因是大淘汰赛，所以陆大胆的叮头叮虽然名堂上是赛了两天，但其实也只不过赛过五六场。五六场，这对赛龙凤来说只不过是小菜一碟，湿湿碎。李记清早已心中有数，因此根本不把这些外围赛当成一回事。

果然不出李记清所料，不到半包烟功夫，六场外围赛已结束。赛龙凤斗得轻松，根本没费多大劲就搞掂那几个对手，自己才好象松了松腰骨。它那声声嘹亮的鸣叫，使你不得不承认它确实是功底深厚不可摧；它那昂扬的姿态，令你感到是那样的傲不可欺。

容不得赛龙凤休息一下，陆大胆就把叮头叮放进了画眉柱上的玻璃笼中。

正在昂首鸣叫的赛龙凤见到叮头叮进来，便扬扬翅，点点爪，以示友好，颇在点绅士风度的样。叮头叮则不然，竟飞扑向赛龙凤，想趁赛龙凤尚未摆好战姿之前来个攻其不备。这一招是陆大胆调教出来的下马威招。叮头叮在前两天的比赛中场场一开头都使用了这一招，而且招招得手，占了心理上的优势。当下观看的人们瞪大了眼睛，连大气也不敢出地在替赛龙凤担心。然而叮头叮失策了，赛龙凤的技艺已达到炉火纯青的地步，出招制胜都是十分意动。当它见叮头叮如此不讲武德时，便已有几分不快，又见其来势凶猛，大有欲叮破其头而后快之意，更是怒不可遏。在叮头叮飞近之际，迅速腾飞抢占高度，等叮头叮飞到，便扬起利爪，以迅雷不及掩耳之势往下劈向叮头叮。只听叮头叮一声凄厉啼叫，便见叮头叮重重地摔到了笼底。还没等叮头叮爬起来，赛龙凤的第二爪又到了，接着硬赛铁针的嘴喙也已刺下。这几个动作一气呵成，迅猛非常。人们好象只是看到赛龙凤飞上又飞下，但实在看不到叮头叮受招的状况。就连曾获全县绕口令比赛“花山新秀”奖的文化中心主任也还没来得及解说介绍，这几个动作就已经过了。

人们以为叮头叮只不过是受挫而已，还不致于这么一回合就败下阵来，便引颈屏气睁眼在细细瞧着玻璃笼，等着看赛龙凤和叮头叮的闪电般扑斗，你死我活殊死搏斗的激战状态和凶险酷杀的精彩镜头以及轰轰烈烈而又悲壮的结局。然而，一分钟过去了，两分钟过去了，三分钟过去了，四分钟过去了，五分钟过去了，只是见赛龙凤象个巡城的将军，在傲然地游来游去，时不时昂头撑翅，浑厚而威严地鸣叫几声，却依然不见叮头叮站起来，甚至一动也不见动。(十一)