Daj haeuj ndwen 4 daeuj, gih raeuz gak dieg aeu “ciet cingming baet moh hozdung” gihvei, aeu “dauq un vwnzva saeknding, ciepcienz siengj- muengh gvanghyungz”guh cawjdaez, cujciz ginzcung、hagseng guh lai cungj lai yiengh gwzming cenzdungj gyauyuz sizcenj hozdung caeuq gyaez guek cujyi hozdung. Bwzswz Si Lanzdenh Hihvang Siujyoz、 Yungzsuij Myauzcuz Swciyen guh hozdung hoenghhwdhwd. Gyoengqde guh hozdung cujyau neiyungz dwg: Youq laj geizguek gangj vah、 “dauqngeix gwzming senhlez，hungzyangz gyaez guek cingsaenz”、 baet moh lezsw、youq gwnz vangj caeq lezsw、“ra rizdin bouxhungmbwk, ciepcienz gwzming cingsaenz”. Doenggvaq guh gij hozdung neix, sawj gyoengq hagseng ndaej daengz baez gwzming conzdungj gyauyuz caeuq gyaez guek cujyi gyauyuz yiyi laegna ndeu.

(Veiz Yengingz Liu Swjyenh/韦艳琼 廖子渊)