●3 nyied 31 hauh, Cungzcoj Si heij guh“sam nyied sam”hozdung, gij hozdung neix lai cungj lai yiengh youh ndeiyawj, neix dazyinx le haujlai meizdij daeuj caijfangj. Ciuq gyoep- suenq, daengz 4 nyied 8 hauh, gak gaep meizdij gungh baudauj 20 lai bien(diuz), gak loih vangjcan riengz daeng ok 170 lai baez.

(Lungz Yenyingh)

●4 nyied 12 hauh, Yungzsuij Myauzcuz Swciyen youq Yanghsanh Gunghyenz gawjbanh roeg doxdoj doxdax hozdung, 1000 lai boux maij roeg doxdoj dawz roegvameiz daeuj doxdax, neix yinx le haujlai vunz daeuj ngonzyawj.

(Lungz Linzci)

●4 nyied 10 hauh, Cauhbingz Yen guh cuengq bya hozdung, cuengq 40 fanh duz byalwg roengz Dahgveigyangh bae. Ciuq cam rox, daj 4 nyied 1 hauh daengz 6 nyied 1 hauh, rangh Dahcuhgyangh haeuj seiz mbouj ndaej dwkbya, aeu neix henhoh swnghdai.

(Liuz Feih)

●Duh’anh Yauzcuz Swciyen gietdingh 4 nyied youq yenveij dangjyau banh sam geiz gungh 441 boux saujsu minzcuz lingjdauj ganbu comz hagsib beizyin, daih’it geiz youq 4 nyied 1 hauh daengz 8 hauh haiban, geiz neix miz 147 boux yozyenz daeuj beizyin.

(Lanz Fuzgvanh)

●Bi’gvaq, Lingzyinz Yen Ya’gyaz Yangh Bingz- vaiz Cunh daengx cunh ndaem gosangh 6000 moux, doengh- gij hoh ciengx nonsei miz 210 ranz, gungh ciengx nonsei 2783 mbaw, canjlieng 1981.8 rap, canjciz 292.8 fanh maenz, aen cunh neix gaij- bienq canjyez gezgou, aeu- ndaej yaugoj gig ndei.

(Siuh Fazlingz)