Bineix, “sam nyied sam Boux- cuengh”geizgan, Namzningz Si cung- faen leihyungh doenghgij vah minzcuz nemgyawj vunzlai、ngaih rox、doengh- boux saujsu minzcuz gyaezmaij de, gaihcanj eu Fwencuengh daengj angq hoh“sam nyied sam Bouxcuengh”hozdung; youq hozdung yienhciengz, youq gak loih meizdij senhconz ndawde, aen si neix faenfaen aeu Vahcuengh Sawcuengh daeuj guh hozdung nem senhconz, neix hawj Vahcuengh Sawcuengh engqgya miznaj.

Youq Namzningz Si Sihyangh- dangz Gih Cunghvaz Lu Segih、Gyanghnanz Gih Gyanghnanz Suij- gaih、Vujmingz、Sanglinz、Majsanh、Lungzanh daengj cwngzgih、yienh- singz、yanghcin, youq giz guh“sam nyied sam Bouxcuengh”hozdung yienhciengz, youq gwnz senhconz byauhyij、benj baihlaeng vujdaiz daengj, youq ndaw gvangjbo densi cezmuz, Vahcuengh Sawcuengh cungj guh daeuz, neix yienh’ok Bouxcuengh raeuz doih vah saw minzcuz bonj- ndang gig miz saenqsim, vunzlai gamjdaengz vwnzva raeuz engq lai miznaj.

Ciuq gyoepsuenq mbouj liux, bineix gvaq ciet“sam nyied sam Bouxcuengh”geizgan, Namzningz Si gak sigih、 yienhgih youq gak giz dieg gunghgung、hozdung yienhciengz venj gij fukvang aeu Cuengh Gun song saw sij de 800 lai diuz, guh benj baihlaeng vujdaiz aeu Cuengh Gun song saw sij de 120 lai gaiq, neix gig ndei dwk yienjok le gij cozyung ndei vah saw saujsu minzcuz.

(Banh Bingjcinz)