Loeg Daihdamj youq henz raen duzroeg ndaw loengz, aensim couh gag saenq mbat he, saeknaj sawqmwh bienq heu liux: Cietdoh ha cietdoh ha! Bak henjgeq da henjgeq bwn henjgeq nyauj ndaemlwenq, duz roeg neix mbouj cingq dwg duz “lungzfunghvi” dot haenq coemj vaiq rengz hung sing sep Lij Hancangh haenx ha……Loeg Daihdamj lumjbaenz yawjraen gij yiengh bihaenx duz “aeu hoenzbya” dai nei. Gij ceiqheiq de siengj caeuq duzroeg Lij Geiqcing doxdoj haenx couh sikhaek doeknaiq sam faen lo, de danqheiq gag siengj: “Bauqwngq, bauqwngq ha, bihaenx raen daxboh de miz duzroeg ndei couh yukyon daxboh de bae camgya doxdax, doeklaeng deng gya baih vunz dai; boekboek bienqbienq, gvaq geijcib bi daengz ngoenzneix, gou Loeg Daihdamj mizeiq siengj aeundaej roegvameizvuengz, cix bungqdaengz Lij Geiqcing boux ndaw mingh cawqdingh mbouj saj roegvameiz doxdoj neix dawz ok duzroeg cingqcung ndaw Byagoujlungzgoujfungh daeuj diuhcan, neix mbouj dwg bauqwngq dwg gijmaz? Ai, suenq lo suenq lo, camh gienqgienq de , yawj naengz mbouj naengz gienq de gaijbienq siengjfap, hix doiq ndaej hwnj gij vah daxboh de yaek dai daengq gou haenx.” Dangseiz Loeg Daihdamj yienghneix siengj, couh sing iq naeuz:

“Lanmbauq, mbouj dwg gou mbouj hawj roeg mwngz doxdoj, hix mbouj dwg duzroeg gou mbouj gamj caeuq duz mwngz doxdoj, dwg bihaenx daxboh mwngz daengq gou gvaq youq fuengmienh neix yaek daezsingj mwngz, gou mbouj naeuz mwngz, couh dwg gou doiq mbouj hwnj daxboh mwngz dai bae haenx. Sugvah gangj, vah daxboh euq mbouj ndaej, lwg ciuq guh dwg hauqswnh; mbouj dingq vah bouxlaux, gwnvi youq dangqnaj. Gij vah neix mbouj dwg mbouj miz dauhleix ha, muengh lanmbauq mwngz aeu lai naemjnaemj bw.”

Lij Geiqcing sing hung naeuz:“Au Loeg, danhfanz doxdax, couh wnggai mwngz ceng gou dued buekaeu sawhingz. Sugvah hix naeuz, saw- hingz dwg saeh bouxbing ciengz miz. Au Loeg mwngz hozbiet daiq gvaq yawjnaek ne. Gangj daengz daxboh dai gou, gou dauq mbouj dwg mizeiq mbouj souj vahgienq de, hoeng ngoenzneix mbouj doengz ngoenzlwenz, seizdaih mbouj doengz lo, danghnaeuz de lix daengz ngoenzneix, gou siengj de hix gag mbouj nyinh gij vahgienq de yaek dai gangj haenx, mboujnex couhdwg de siengj aeu lwg de guh boux lwghuk he.”

“Euqvang lo, euqvang lo.” Loeg Daihdamj huj dwk sing cungj saenz bae, hozndat dwk najlaep najhaen liux.

Siujdezyinz naeuz: “Yietnaiq geij faen cung gonq, au Lij caiq siengjsiengj.”

“Siengjsiengj? Hwhw!” Lij Geiqcing daj ndaw daehbuh mbon ok bau mbawcazheu he, nyaeb aeu nyaeb he cuengq haeuj ndaw bak bae, menhmenh geux dwk, daengx naj yawj mbouj hwnj vunz.

Miz vah gangj: Bya dah heih bienq, beizheiq vunz nanz gaij. Gij beizheiq Lij Geiqcing couhdwg: Dasang gya fanjgvaet. Hajcib lai bi lo, aenvih cungj beizheiq neix, youq ndaw Gai Naznamz gadog hojndoq, mbouj miz mehmbwk caeuq de doxndei. Bihaenx Lij Hancangh hamzhaemz dai bae, saedceij ranz de lumj daj mbwn daengz deih, mbat he couh doek daengz mbouj miz baengh mbouj miz gauq, mbouj miz gwn mbouj miz daenj. Daxmeh Lij Geiqcing itseiz siengj mbouj doeng, diuz cag he cug aenhoz, riengz Lij Hancangh bae lo. Vut roengz Lij Geiqcing cib bi haenx, hawj de gag bae ndaw bouqhaeux bouqlaeuj gwn haeux lw dang lw. Gaej yawj Lij Geiqcing gungzhoj, mingh de cix gig geng. Daj iq guhgyax hojndoq, gip huqrwix, bag fwnz rap huq, vat yiuz boemz cien, baij dan gai raemxcaz, cunz mbanj sou ywdoj, guh hong naek hong dwgrengz, imq donq he iek donq he, seizndat gueng nyungz, seiznit ninz geh nywj, cix nit mbouj dai, iek mbouj dai, hoj mbouj dai, baeg mbouj dai, caen dwg mingh cienh heih ciengx. De sim lai, coengmingz, raen gijmaz hag gijmaz, hag gijmaz rox gijmaz, gvaq ndaej dauq hix mbouj ca. Ca couh ca youq de dasang fanjgvaet, gijmaz saeh cungj nyengh dingj, caeuq vunz daeuqheiq doxceng, da’myonz yawj mbwn, conghndaeng doeng ndaej hojceh, yawj bouxwnq gizgiz mbouj swnh da. Bouxwnq naeuz ndei, de naeuz mbouj itdingh; bouxwnq naeuz yaez, de naeuz hix mbouj itdingh. Gijneix mbouj itdingh, gijhaenx mbouj itdingh, daengz laeng boux lawz caeuq de cungj mbouj itdingh lo. Saeh iq ndaq vunz, saeh hung cix gaem faex dawz cax doxhoenx doxmoeb ndang sieng lwed lae.

Ndaw Gai Naznamz gai caz yaek miz baenz bak aen dan, cungj dwg youq henz gai baij aen daiz seiqfueng he, cuengq geij aen vanjmeng iq, daej daiz miz aen doengj coux raemxcaz he, aen gyaep gyaeujsoem he hoemq gwnz, caj miz boux hozhawq daeuj, couh aeu siegfaex daek vanj rim he, vanj haj faen cienz. Lij Geiqcing guh seng’eiq neix, hainduj hix caeuq daihgya ityiengh baij dan, doeklaeng bae baez Namzningz he dauqma, couh gaij cungj guhfap neix, sien dwg swhgeij gag rag aen cisamloek he, daengz yiuzcien caeuq doenghgij gihgvanh danhvei bae gip daeuj geij ci cien sa caeuq hoi, youq bakdou ranz swhgeij caep geij diuz saeucien, youh cawx daeuj vaxsigmienz, gaen baj dietding couh aeu vaxsigmienz ding ndei youq vengzdiuz gwnz saeucien, aen bungz gai caz genjdanh he couh guh baenz lo. Venj hwnj aen ciubaiz gig miz yisuzganj “Sinhhingh Yinhyoz Cazco” he. Guh ndei gijneix, Lij Geiqcing youh cienmonz youq ndaw bungz caep song aen cauqmbaetfwnz, cuengq hwnj song aen gulij, aen he cawj raemxgoenj, aen he siudoeg cenjcaz, gwnz daiz cuengq miz mbawcaznding、mbawcazheu、mbawcazndaem、mbawcazhau、mbawcazhenj、mbawcazvuhlungz、mbawcazvan、mbawcazliengz, lij miz cazva、cazat、cazyungzvaiq daengj caz gyagoeng gvaq haenx. Miz hek daeuj, sien unqswnh sijsaeq gaisau gak cungj coh、dieg’ok、saek、feih、yingzyangj gyaciz caeuq gij goengnaengz ndaej souhyienz、ndaej yw maz bingh mbawcaz，gangj dwk bouxhek cig coi de vaiqdi cimq caz. Seizhaenx Lij Geiqcing couh youq dangqnaj bouxhek yungh aenlauz daj ndaw raemxgoenj lauz hwnj aen vanj he, youh aeu dawh youq ndaw raemxgoenj cimq sam baez, cij aeu daeuj nip aeu mbawcaz bouxhek genj haenx cuengq haeuj vanj bae, daj ndaw gu raemxgoenj daek aeu raemxgoenj, daj sang daengz daemq youh daj daemq daengz sang cung raemx roengz vanj caz haenx bae. Yienzhaeuh cuengq gij luzyinhdai miz go rogguek、go ndawguek、go diuqfoux、fwen bonjdieg ndei dingq haenx. Cungj banhfap yienh cawx yienh cimq neix, ndaej daengz bouxhek haenhndei, cungj naeuz daengz gizneix gwn caz youh veiswngh, youh hag daengz caz vwnzva rox caz cihsiz, lij ndaej ndoj rumz ndoj fwn ndoj ndit, miz dieg naengh miz go dingq dem, ndeicawq lai youh simsoeng youh miznaj. Ndigah, vunz diegrog vunz bonjdieg hek moq hek gaeuq cungj daengz aen “yinhyoz cazco” de, couh lienz bouxguen dakdaih vunz hix daengz gizneix. Seng- eiq hoenghhwdhwd.

(9)

一旁的陆大胆见到笼中鸟，不禁心头一震，脸上骇然失色：冤孽冤孽！褐嘴褐目褐彩衣黑油亮爪，这鸟端的不是当年李汉昌的斗狠啄凶性残扑猛力大声威的“龙凤威”……？陆大胆恍悟如见当年“摄山魂”的死状。当下斗气便馁了三分，喟然自忖：“报应，报应啊，当年见他父亲有好鸟便串缀其去参赛结果招致家破人亡；天转地转，几十年后的今天，我陆大胆着意要夺个画眉王，却碰上这个命定不斗画眉的李记清端出个九龙九凤山纯种鸟来挑战，这不是报应是什么？唉，罢了罢了，且劝劝他，看能不能劝转，也不负其父临终之嘱。”当下陆大胆如是想，便轻声道：

“贤侄，不是我不给你斗，也不是我不敢跟你斗，而是当年你父曾嘱我在这方面要提醒你，我不说你，便是我对不起你亡父了。俗话说，父言是命，儿从为孝；不听老人言，吃亏在眼前。这些话不是没有道理的，希望贤侄三思啊。”

李记清朗声说：“陆叔，大凡比赛，就该你争我夺拼个输赢。俗话也说，胜败乃兵家常事。陆叔你何必过于看重呢。说到亡父，我倒不是有意要悖他，然而今街不同昨街了，时代不同了，要是他能活到今天，我想他也会自己否了那些临终嘱戒，否则，他除非想要他的儿子是个笨卵。”

“强词夺理，强词夺理。”陆大胆气得声音都有些发抖了，脸上写满了不悦和愠怒。

小铁人说：“先休息几分钟，李叔再想想再想想。”

“想想？哼哼！”李记清从口袋里掏出一小包绿茶叶，捏起一撮放进嘴里，慢慢嚼着，一脸的傲意。

有道是：江山易改，本性难移。李记清就是那么个秉性：傲加叛逆。五十出头的人了，因这秉性，在那楠街上落魄寂寞，连个亲近相好的女人也没有。那年李汉昌含恨咽气，李家生活如从天到地，一下子落得个无依无靠缺衣缺食。李记清母亲一时想不开，一根绳子打个活套套住脖子，追随李汉昌去了。撇下个十岁的李记清，让他自个去串店铺捡剩饭喝残汤。别看李记清孤寒，其生命力却蛮强。从小孤苦伶仃，捡破烂，劈柴火，挖窑打砖，挑担跑腿，摆摊卖茶水，游村收药材，做苦力，干重活，饱一餐，饿一顿，热天喂蚊子，冷天钻草堆，就是冻不死，饿不死，苦不死，累不死，真个好养的贱命。那心眼又多，脑筋特灵，见什么学什么，学什么会什么，混得倒也不差。坏就坏在那傲加叛逆的秉性，凡事撑硬颈，与人斗气相争，翻着两眼看天，鼻孔能通火车，瞧别人的处处不是。人家说好，他说不见得；人家说坏，他说也不见得。这个不见得，那个不见得，到头来谁跟他都不见得了。轻者破口相骂，重者刀棍交加见血见肉。

那楠街中卖茶水摊近百，都是街边摆上一张四方桌，搁上几个粗瓷小碗，桌底下一只园木桶盛着茶水，一顶尖笠帽盖上，等有喉干舌燥者至，便用木勺掏满一小碗，索取五分钱。李记清操起此业，开始也是象大家一样的摆设，后来去了一趟南宁回来，便一改传统的经营方法，首先自己拉辆破三轮车，到砖窑和一些机关单位去捡拉回几车砖头沙子石灰，在自家门前迎街砌起几根砖柱，又买来石棉瓦，斤把铁钉就把石棉瓦钉好在砖柱上的桁条格子上，一间简易不简单的茶棚便做成了。挂上了一块立体感很强的颇有艺术味的“新兴音乐茶座”的招牌。做好这些，李记清又专门在棚内砌两个节柴炉，架上两个大铝锅，一个煮开水，一个消毒茶杯，案上放有红茶叶、绿茶叶、黑茶叶、白茶叶、黄茶叶、乌龙茶叶、甜茶叶、凉茶叶，还有加工复制的花茶、柴压茶、速溶茶等。有顾客来，先殷勤介绍一番各种茶的名称、产地、色味、营养价值和延年益寿的功能与药理作用等，说得顾客直催快点泡上。这时李记清便当着顾客的面用工具从沸水锅中捞出一个碗，又用筷子在沸水锅里泡三下，才用它来挟出顾客选中的茶叶放到碗里，从开水锅里淘出滚水，从高到低又从低到高地把水冲到那碗茶杯中。然后再换上外国小夜曲、圆舞曲、中国器乐曲、当地山歌等录音带放出很适度又很有氛围的音乐来。这种现买现泡的办法，深得茶客的赞誉，都说到此喝茶既感到卫生，又学了茶文化长了茶知识，还避风避雨躲热乘荫有座有乐的，实惠、舒畅、高雅。因此，外地本地的新老茶客都往他的这“音乐茶座”里挤来，就是官方的迎来送往，也来他这里占着位子。茶水生意被他做得大红大紫。（九）