Daj yingzyangj gakdoh daeuj yawj, maenzdoengzlingz dwg cungj gijgwn hamz yingzyangj doxgaiq ceiq caezcienz ndeu. Youq ndawde hamz veizswnghsu C haemq lai, veizswnghsu C dwg cungj huq yungz youq ndaw raemx caemhcaiq gojnwngz miz dingj yangjva ak cozyung ndeu. Veizswnghsu C ndaej bangcoh guzgyauhyenz habbaenz caeuq bangcoh supsou diet, bangcoh baksieng hobndei, baujciz nohheuj gengangh caeuq veizciz menjyiz hidungj giengz- cangq daeuj dingj ganjyenj. Doiq boux haengj lienhndang daeuj gangj, habdangq gwn di veiz- swnghsu C ndeu mizleih daezsang rengz dingj bingh aenndang, caemh ndaej hawj vunz lai dingj ndaej naetnaiq.

Youq ndaw gwnndoet dem gwn di maenzdoengzlingz ndeu, mboujdanh ndaej boujcung dansuij vahozvuz, caemh ndaej boujcung gyaz dem, aenvih youq 20 cungj byaekheu lwgmak ciengz gwn haenx ndawde, suenq maenz- doengzlingz hamz gyaz ceiq lai.

Maenzdoengzlingz hamz nyinz- sei gijgwn lai, caemhcaiq ndaw unq mbouj gig dungxsaej, bouxlaux lwgnyez cungj hab gwn, boux baenz dungx biux naeuh roxnaeuz boux baenz cangzyenz hix ndaej cuengqsim gwn. Yenzgiu ndaej rox, gwn maenzdoengzlingz ndaej hawj aendungx lai imq, doiq boux haengj gwn roxnaeuz boux siengj gemjbiz daeuj gangj gwn maenz- doengzlingz dwg ceiq ndei mbouj gvaq lo.