Moix bi liggaeuq ngeihnyied cocib、cib’it, dwg ngoenz beixnuengx Yizcuz Nazboh Yen Nenbiz Yizcai gvaq cietboujcieng. Ngoenzneix, ndaw mbanj nauhyied dangqmaz, gyoengq beixnuengx Yizcuz daenj buh moq vaq moq, ciengq go diuq foux, angq hoh ngoenzciet.

Cienzgangj seizgonq ranz Yizcuz bouxsai bae dangbing, daengz bi daihngeih ngeihnyied cocib cij dauqranz, vunz ranz Yizcuz daengz ngoenzneix cij ndaej doxcomz gvaq cieng.

Cietboujcieng youh dwg beixnuengx Yizcuz siengjniemh banlaux youq seiz hoenxciengq vutmingh haenx, hix dwg danqhaenh insik saedceij vaiqvued ngoenz- neix, dwg minzcuz vwnzva yizcanj dijbauj ndeu.

(Lij Yungjfungh sij Cinz Yungj hoiz)