Youq Yangzsoz Yen Buzdauz Cin Mbanjfuzvang, ndaw aen ranzsaw iq mbanj neix ngoenzngoenz vunz caenxfwkfwk, gyoengq vunz- mbanj daeuj ndaw neix yawj saw doeg saw nem caz nungzyez gohgi cihsiz. Boux cunhminz Goz Suvwnz dwg boux ciengz daeuj ranzsaw ndeu, de gaisau naeuz:“Ndaw ranzsaw miz saw gohgi、saw dajciengx、saw baujgen ciengx- ndang、 sawcuenh daengj, gungh miz 4000 lai bonj saw. Bingzseiz vunzmbanj cungj maij daeuj ndaw ranzsaw yawj saw dem cihsiz, doiq daezsang nungzyez gohgi suijbingz miz bangcoh gig hung.

(Vangz Swginj)