Gvaq yaep ndeu, duz roegvameiz he mbin daeuj, douh youq gwnz nye faex he, nyauj iq de gaeu gyaeuj nyauj hoz, aenbak soemset roi bwn gwnz ndang, yienzhaeuh vadvad gaiqfwed, saenqsaenq bwn ndang le, cij cici caca heuh geij sing. Lij Hancangh roxyiuj, neix dwg duzroeg baizdaeuz daeuj damqcaz, gyoengq roeg lij youq baihlaeng ne. dahraix, lumj daj gwnz mbwn doek roengzdaeuj nei, gyoengq roegvameiz he sawqmwh hu dwk ndwn youq gwnz nyefaex duz roeg baizdaeuz ndwn haenx, cici caca ciuz hwnjdaeuj, gij sing roeg lumj ciengq go nei, couh lumj aenduenz laisingbouh ciengq go nei. Sing go sawqmwh dingz youq, gyoengq roeg bi gyaeuj cienq da, gig mingzyienj dwg gyoengq roeg yawjraen gijgwn lo. Duzroeg baizdaeuz hemq sing he, daiqdaeuz mbin bae gonq, gyoengq roeg couh riengz duzde mbin bae, yaepyet couh mbouj miz ngaeuz mbouj miz riz lo. Bouxgaenrieng gig saetmuengh, yaek ok sing danqheiq, deng Lij Hancangh goemq dawz aenbak, eiqsei dwg heuh de gaej ok sing. Bouxgaenrieng mbouj rox, neix dwg roegvameiz fanj damqcaz, cijaeu miz di doenghdanh mbouj deng he, gyoengq roeg couh caen dwg mbin bae caiq mbouj dauqma lo. Gizsaed, vunz ciuhgeq gangj gij vah “vunz vih caiz dai, roeg vih gwn dai”mizmingz neix, mbouj dwg mbouj miz gaengawq. Danhfanz gwnzbiengz duz miz sengmingh haenx, gouz lix dwg bonjsaeh ceiq hung, aenvih gouz lix couh nanzmienx gijmaz saeh cungj guh ndaej okdaeuj. Hoeng yiengh doxgaiq he miz lingh yiengh doxgaiq daeuj ceih de, duzak gwn duznyieg, gak cungj doenghduz doenghgo doxceng doxdaeuq, youz mehmbwn daeuj genj, boux hab lix couh lix, boux hab dai couh dai, byawz hingz byawz saw, dwg hwng dwg baih, yawj seizheiq caeuq coengmingz de lo. Gij go duzroeg riuzcienz youq ndaw Byacibfanh haenx, roegvameiz ndaej haenh dwg duzroeg ceiq coengmingz. De mbouj lumj roeglaej yienghhaenx gan cix mbouj roxsingj, raen gijgwn couh lumz yungyiemj, hix mbouj lumj roeghenj simco, luenh mbin luenh coemj; de gawq miz geiqmaeuz roegdinghgeng, youh miz singqcingz duzromh, hix miz caiznaengz roegvaiqguhvaiqguz, miz bonjsaeh roeglaejdiuqmbwn. Danghnaeuz dawz gyoengqde daeuj beij baenz vunz, haenx couhdwg gyoengqde hix rox bungz daengz saeh “naemj sam naemj seiq cij guh” bw, hoeng vunz bitgingq dwg doenghgij miz sengmingh cungj ceiq coengmingz haenx, doenghduz caiq coengmingz hix coengmingz mbouj gvaq bouxvunz. Lij Hancangh ndawsim riu naeuz, “mwngz rox fanj damqcaz, gou rox mbongq geiqmaeuz mwngz. Mwngz yaek daeuj sien doiq, gou couh yungh mbouj bienq daeuj doiqfouq fanh bienq, mbouj lau mwngz mbouj daeuj.”

Mbiengj neix Lij Hancangh cingq dingh yawj sim siengj, baih haenx roegvameiz gaenq youh hemq dwk mbin daeuj. Cij raen duz roegvameiz bak henjgeq da nding bwn ndaem nyauj lwenq he soengyungz mbin daeuj, de doeng yawj sae yawj yaep ndeu, cij soengse gig siujsim aeu bak bae dot duznon iq, aeu fwed vad baihswix baihgvaz, aeu nyauj soem saiq naj saiq laeng. Lij Hancangh yawjraen duz roeg neix, aensim caeux couh diuqbubbub, ceng di hemq ok sing daeuj. Hoho, neix cingq dwg duzroeg cingqcung Byacibfanh doxdoj ak bak ding haenq singq yak rengz hung sing vi ha. Yawj gij baijdaeuz de, cib miz bet gouj dwg ginggvaq doxhoenx doxdoj hingz gvaq haujlai roeg le baenz duz “roegdaeuz” ha.

Duz roeg haenx ginggvaq mbat sawqdamq he le, gag nyinhnaeuz seiqhenz mbouj miz maz yungyiemj, cij sing hung hemq geij sing, dunghcih gyoengq roeg; yienzhaeuh mbouj vueng mbouj muengz soengyungz dot gwn gijgwn. Lij Hancangh youq baih neix yawj ndaej gig cingcuj, duzroeg haenx cij goq dot gwn, mbouj liuh daengz nyauj de gaenq deng aenmuengx cug ndaet lo, gyaeuj hix bungq deng binqdou loengzfaexcuk, dou loengz hix yaengyaeng gven hwnj; roxyiuj duz roeg haenx ga deng cug, youh deng gven youq ndaw loengz, couhdwg lai song gaiq fwed hix nanz ndaej mbin deuz lo. Seizhaenx Lij Hancangh nyaenx mbouj youq gikdoengh dangqmaz, baez yat couh yat hwnj, heuh naeuz “aenmbwn miz da, cojcoeng baujyouh ha!” Duz roeg haenx sawqmwh doeksaet, doq diuq hwnj siengj mbin, hoeng gaenq ceiz lo, couh buekmingh coemj bae coemj dauq, ciuzheuh mbouj dingz. Gyoengq roeg ngamq mbin daeuj haenx yawjraen cungj cingzgvang neix, gip dwk cienq ndang mbin bae mbouj raen ngaeuz lo.

Ma daengz ranz, Lij Hancangh aeu gij ciu seiqvunz de ciengx gyauq roeg haenx cungj yungh daeuj ciengx gyauq duz roeg neix, mbouj daengz buenq bi, duz roeg neix couh lienh ok ciu “guk ak roengz bya”、 “lungz ak coemj langh”、 “duzdanfungh mbaet daengngoenz” daengjdaengj daeuj. Lij Hancangh angqvauvau, caemciek bae caemciek dauq, an aencoh “lungzfunghvi” hawj duz roeg neix, doz de miz heiqbaij miz seizheiq vuengzdaeq Byagoujlungzgoujfungh.

Seizgan ciemhciemh gvaqbae, yaepyet couh daengz ciet roegyinx. Lij Hancangh caeuxcaeux couh hwnq, sien hawj duz “lungzfunghvi” guen caet bet cingz imq, cij riengx bak swiq naj rieg buh, gwn haeux caeux, yienzhaeuh ing youq gwnz eij laep da yietnaiq aen baj cungdaeuz. Daengngoenz hwnj le, cij heuh bouxgaenrieng riuj duz “lungzfunghvi”, menhmenh byaij coh aendaiz doxdax. Lij Han- gvangh gaenq dang hwnj cungjswhling dwk gungcanjdangj ndaw Byacibfanh haenx ngoenzlwenz couh daiq budui daengz Gai Naznamz, seizneix gaenq naengh ndei youq aen’eij gwnz daiz doxdax. Lij Hancangh raen le, mbouj rox mbouj nyinh dingz din roengzdaeuj, miz di siengjfap mbouj dingh: Bi’gvaq cij siengj ndaej daeuzmingz le dang saek yiengh guen daeuj bauj ranz bauj ndang hawj cojcoeng miznaj, cix mbouj siengj gvaq dang haenx dwg gijmaz guen. Boux Lij Han’gvangh neix riengz Bwz Cungzhij, dwg budui gozminzdangj, hoeng seizneix gungcanjdangj caeuq gozminzdangj ceng dienyah cingq dwg mwh yaek baen sawhingz, riengz gozminzdangj? Riengz gungcanjdang? Roxnaeuz song mbiengj cungj mbouj riengz？

(6)

不一会，一只画眉飞来，落在枝头上，小爪搔脑揉颈，尖尖的小嘴梳羽理毛，然后扇扇翅膀，抖抖羽身，才叽哩叽哩连叫几声。李汉昌知道，这是一只侦察的排头鸟，群鸟还在后头呢。果然，如从天降，一群画眉突然轰地落在排头鸟站着的枝头上，叽叽地啾叫起来，那声音，如歌似吟，纯象一个多声部乐团奏起的交响乐。乐声忽地止住，群鸟摆头转目，显然已发现了食物。那只排头鸟鸣叫一声，率先飞起，群鸟便跟着腾飞而去，瞬间已无踪无迹，音影杳缈。家丁甚感失望，欲发声憾叹，被李汉昌捂住嘴巴，示意不要出声。家丁不知道，这是画眉的反侦察术，只要有一点异常的动静，它们便真的一去不复回了。其实，古人说的“人为财死，鸟为食亡”的名言，不是没有依据的。大凡生灵界，求生乃至大本能，因求生而不择手段也是在所难免。然一物降一物，弱肉强食，物竞天择，适者生存，谁胜谁负，是旺是衰，则视其造化与灵性了。流传在十万大山中的百鸟歌里，画眉鸟是被称为灵巧之物的。它不象麻雀那样奸而不悟，见食忘危，也不象黄莺那样粗鲁毛糙，乱闯乱撞；它既有杜鹃的心计，苍鹰的性格，也有布谷的才能，云雀的本领。如果把它们拟人化，那就是它们也会遇事“三思而后行”的，然而人毕竟是万物之灵，再灵巧的动物也灵巧不过人。李汉昌心里笑道，“你有反侦术，我有识奸计。你欲来先退，我以不变应万变，不怕你不来”。

这边李汉昌在静观心想，那边画眉已又声发。只见一只褐嘴褐目彩衣黑油亮爪的画眉从容而至，它左瞧右瞧了好一阵，才悠悠然地且小心亦亦地用嘴触触小虫，用翅扑扇左右，用爪尖划前划后。李汉昌看见这鸟，心早已剧跳，差点失声叫起来。哦啧，这正是斗狠啄凶性残扑猛力大声威的九龙九凤山之纯种啊。看它那架势，十有八九是英勇善战征服了众多争权夺利者而成为“头鸟”啊。

那鸟经过一番试探后，自觉得四周没有什么危机，才高鸣几声，通知群鸟；然后从从容容地啄那些诱饵。这边的李汉昌看得真切，那鸟只顾啄食，不料小爪已被网套绑紧了，头也撞发了大竹笼门的机关，笼门也悄然关上；知道那鸟脚上被绑，身置笼中，就是多两对翅膀也难飞走了。当下不由激动万分，一蹦而起，大呼“老天有眼，祖宗保佑啊！”那鸟突惊，即腾跃起飞，却为时已晚了，便拼命地扑来扑去，啾叫不停。那刚飞至的群鸟，见此状况，急转身飞了个无踪无影。

回到家，李汉昌将平生调养招数尽底使出，不下半年，那鸟便练就了“猛虎下山”、“强龙扑浪”、“丹凤摄日”等等绝招。李汉昌自然高兴，斟酌再三，起了个“龙凤威”的名儿给它，图个九龙九凤的至大威势和帝王的鸿运。

光阴荏苒，转眼便到了鸟趣节。李汉昌早早起来，先把“龙凤威”喂上半多饱，才洗漱更衣，饮早茶，食点心，然后在竹椅上斜躺半个时辰闭目养神。阳光初照，方唤上家丁提上“龙凤威”，款款步向赛台。已当上十万大山剿共总司令的李汉光带着部队昨天就到了那楠街，现在已坐定在赛台的交椅上。李汉昌见状，不觉停下脚步，思量不定：去年只想要夺魁捞个官儿当当以护家保身光宗耀祖，却不曾想到当的是什么官。这李汉光跟着白崇禧，乃国民党的军队，而时下国共两军争夺江山正是准备分晓的时候，跟国民党乎？跟共产党乎？两者均不跟乎？

（六）