Banh Mingzsiu dwg vunz Yungzsuij Myauzcuz Swciyen Swyungz Yangh Dunghdenz Cunh Mbanjgyahdunz, dwg boux Myauzcuz. 2010 nienz de gyahaeuj Cungguek gungcanjdangj, 2011 nienz, de ndaej senj guh yienh yinzda daibyauj.

2009 nienz, Banh Mingzsiu baengh 6 duz gaeq hainduj fazcanj hong dajciengx, seizneix, ndaw ciengzgaeq de gaenq miz 5000 lai duz gaeq lo. Bi gai gaeq souhaeuj 10 fanh maenz.

2010 nienz, Banh Mingzsiu laebbaenz Fungva Ciengxgaeq Conhyez Hozcozse, sinhcingj cucwz aen sanghbyauh “gaeqvafung Mbanjmyauzcai”, doenggvaq mienxngaenz hawj gaeqlwg、sonyinx gisuz、bang gai gaeq daengj fuengsik daiqdoengh 50 boux mehmbwk Dungdouz、Anhdai、Anhcuiz sam aen yanghcin neix ciengx gaeq, seizneix, gyoengqde moix ranz bi gai gaeq souhaeuj 3 fanh lai maenz.

(Liu Swjyenh sij/廖子渊 Cinz Yungj hoiz)