19、Gvansim Gensez Soujfuj

Cungguek moq laebbaenz le, dangjcunghyangh caeuq Mauz cujsiz daj bangcoh Yeznanz lwgminz hoenxdingj Fazgoz daeuj ciemq caeuq dubmaenh rehenz baihnamz guekcoj gij canloz bae naemj, cix dingh aen swngjvei Guengjsae youq Namzningz.

Namzningz dwg aensingz mizmingz lizsij baihnamz guekcoj ndeu, dwg aendieg youqgaenj conghhoz diegbien, Cunghvaz Minzgoz laebbaenz daengz bi 1936 cungj dwg swngjvei Guengjsae.

Veiz Gozcingh youq Guengjsae cawjguenj duenhneix, mboujdanh caenndang ca hong loegvaq Namz- ningz, caemhcaiq gig gvansim gensez aensingz neix.

Bi 1958 laebbaenz Gvangjsih Bouxcuengh Swcigih le, Veiz Goz- cingh gig gamjdaengz gensez swcigih soujfuj noix gviveh, mbangj gihgvanh、giyez seizbienh hah dieg daeuj hwnj ranz, baijbouh luenhcabcab. De naeuz:“Aensingz mbouj cungjdaej gviveh, gvaqlaeng cix mazfanz lailai.” Ginggvaq caeuq Liuz Genyinh、Vuj Cinnanz、Ho Hihmingz、Cinz Yinggih doxyaeng le, gietdingh laebbaenz aen Namzningz Si Cwngzsi Gviveh Lingjdauj Siujcuj ndeu, youz Swcigih Giveij cujyin Lij Yinhdanh guh cujcangj, Namzningz Siveij suhgi Cinz Lanz、fusicangj Yenj Hungzconh song boux guh fucujcangj.

Vihliux bang Namzningz Si guh ndei gviveh, de daegeiq iucingj Guekgya Gengunghbu Cwngzsi Gveihvagiz baij conhgyah daeuj gidij sonyinx.

Gij gviveh cungjdaej gensez Namzningz Si ndaej Swcigih Cwngfuj baecinj le, Veiz Gozcingh lai baez giengzdiuh, gijneix dwg gij baengz- cingq gensez caeuq guenjleix Namzningz Si haenx, bouxlawz cungj mbouj ndaej seizbienh gaijdoengh de.

De gingciengz cingj gij goeng- daeuz Namzningz Si caeuq giveij、ginghveij、caizcwngdingh、gyauh- dunghdingh、linzyezdingh ndaw gih haenx daeuj, ngeixyaeng gij hong sicwng gensez Namzningz. Gensez Baihnamz Dah Gunghyezgih、Bwzhuz Gunghyezgih、Dieghenz Baihsae Gunghyezgih caeuq gij hanghmoeg cungdenj daengx si haenx, baijbouh gak cungj roen caeuq vwnzva sezsih, de cungj ok gvaq rengz laux.

(caengz sat)