2 nyied 18 hauh, Denzlinz Yen Lucwngz Yauzcuz Yangh vunz laiz vunz daih, nauhyied dangqmaz, beixnuengx Bouxcuengh、Yauzcuz youq gizneix guh caeq “Yauzvuengz” hozdung. Baez hozdung neix miz dwk lwggyangq、dik lwggouz、gveng bausa、diuq fouxsanhyenzswh、fouxsanhcinghdau、doiq fwen eu fwen daengj. Hozdung neiyungz lai, youh ndeiyawj. Daegbied dwg gyoengqvunz ciengq fwen Yauzvuengz guh caeq seiz, gyoengq mehmbwk bouxsai hopngomx baenz song aen gvaengz hung, bouxsai cuenq gvaengz ciengq fwen, mehmbwk gaen dwk ciengq, ndawde miz vunz aemq swx gwed gvat, roq doengzcuk, caiq yienh gij ciengzmienh “Yauzvuengz” hwnj bya vat yw、guh yw caeuq ywbingh haenx, gyoengqvunz hix aeu neix daeuj biujdap gij gamjcingz beixnuengx Bouxcuengh caeuq beixnuengx Yauzcuz gingq “Yauzvuengz” haenx, caemhcaiq yienh’ok le beixnuengx Yauzcuz gwndaenj ngoenz beij ngoenz vuenyungz vaiqlag.

(Vangz Suifangh sij Cinz Yungj hoiz)