Vwnzva cunghsinh cujyin hai aen haigven boqyaem, doiq vahdoengz gangj vah: “Cingj daihgya haeujsim lo, cingj daihgya haeujsim lo, Gai Naznamz roegvameiz doxbuek doxdax gvan yaginh gezsai sikhaek couh hainduj lo, Gai Naznamz roegvameiz doxbuek doxdax gvan yaginh gezsai sikhaek couh hainduj lo, baihlaj, cingj duzroeg ‘bakgeng’ Gobiz caeuq duzroeg ‘dinggyaeuj’ Loeg Daihdamj haeuj ciengz.”

Gobiz hai soujfuz dohlahgih daj Gai Dungz- menz daeuj haenx daj raeblaeng gorungz byaij okdaeuj, daengz henz ndang Loeg Daihdamj ndwn ndei, goenggoeng gingqgingq youh gangj vah- songgvan naeuz:

“Goeng’au Loeg, mwngz vunz vi roeg vi, aeu louz diuz loh lix he hawj hauxseng bw!”

Loeg Daihdamj simdingh naeuz: “Mbouj law mbouj law, hauxseng ak gvaq, gou dauqfanj maij duz bakgeng mwngz.”

Gobiz ndenq hawj bau ien samhaj baiz daj guek nden coujswh gvaqma haenx he, naeuz: “Goeng’au Loeg, youq ndaw Byacibfanh miz byawz mbouj rox mwngz songyauq roegvameiz miz cezcauh ha? Mbouj naeuz ndaw Gai Naznamz lo, couh dwg daengx aen Byacibfanh lauheiq hix mbouj miz byaw daeuq ndaej gvaq bouxlaux mwngz bw. Duz ‘bakgeng’ gou caeuq duz ‘dinggyaeuj’ mwngz beij, mbouj gvaq dwg baed iq raen baed hung, haengjdingh mbouj dwg doiqsouj mwngz.”

Loeg Daihdamj ciep gvaq ien, riu naeuz: “Lanmbauq mwngz haenh gou gvaqbouh lo, gizsaed lanmbauq mwngz itloh gvaqdaeuj sinhoj gvaq gvan youh gvan, hix suenq mwngz bouxcoz ak mbouj genjdanh bw.”

Vwnzva cunghsinh cujyin yawjraen Loeg Daihdamj ngaek gyaeuj coh de, couh sikhaek doiq vahdoengz hemq sam sing:“Seizneix gezsai hainduj.” Siujdezyinz fucwz caizbuenq caeuq Vah Gojgoj guh goengcingq gam roeg doxdoj haenx faenbied nyouq duzbakgeng caeuq duzdinggyaeuj dwg mbouj dwg deng laeuj byoq gvaq, youh laebdaeb sijsaeq genjcaz bakroeg nyaujroeg dwg mbouj dwg an miz dauqdiet cug miz dietding doengh cungj doxgaiq neix, yienzhaeuh bin hwnj lae sang bae, dawz song duz roegvameiz cuengq haeuj aenloengz gwnz saeu roegvameiz bae. Gyoengqvunz haxbaenh lij cauzhuhu haenx seizneix cungj dinghcubcub cim yawj loengz roeg. Gij vunz haemq miz danaj haenx, hix ndaep ien dinghdingh yawj. Vwnzva cunghsinh cujyin fwngz gaem vahdoengz naengh youq gwnz daengq sang, byaengq aenda yawj song duz roeg doxdoj cungj mbouj gamj yaep da, vah gej de lumj naedcaw doek roengz batnyawh bae yienghhaenx yiengj, dingq dwk cienzciengz vunz aensim yaep dingz yaep diuq、yaep gaenj yaep soeng、yaep hwnj yaep roengz. Daihgya yawjraen song duz roeg ndaw loengz, yaep he daenq bin souj youq, yaep he mbe fwed yaek coemj, daenq ra gakdoh yaek coemj ding doiqfueng. Lumj gij ciengzmienh ndaw denyingj densi boux rox goengfou ak doxbuek doxgaj nei.

Gyoengqvunz gamjdaengz hoengheiq lumjbaenz giet youq lo, simdaeuz diuq vaiq raeuh, aenda hix mbouj yaep cehda hix mbouj doengh dwk caj song duz roeg yien hoenz vunz neix doxbuek. “Duzbakgeng”、 “duzdinggyaeuj” dwg ndaw roeg- vameiz duz ceiq ak haenx, dwg ginggvaq geijlai baez doxbuek ndaej hingz haenx. Seizneix song duz roeg ak doxbungz, itdingh dwg buek ndaej gig haenq gig ndei yawj. Hoeng, youq gwnzbiengz, gijmaz saeh cungj miz. Duzbakgeng youq hainduj doxdax dauqfuk doxdax yied doxdoj yied ak haenx, youq seiz youqgaenj cix mbouj lumj bingzseiz, sam mbat song mbat, couh gyaeuj duix fwed unq baih roengzdaeuj lo, youzcaih “duzdinggyaeuj” fwed coemj nyauj vaek, duzbakgeng cij dwg ndoj mbouj bae doxdoj. Saw lo, saw ndaej daiq vaiq lo, mbouj gvaqyinx saek di.

Gezsai mbouj gvaqyinx saek di! Gezsai mbouj gvaqyinx saek di! Cienzciengz vunz cauzhuhu, bouxboux cungj ienq.

Gobiz youh ndenq bau ien samhaj baiz he hawj Loeg Daihdamj, naeuz: “Goeng’au Loeg, mwngz hingz lo, gou hauxseng caen fug mwngz lo.”

Loeg Daihdamj bekbek aenmbaq Gobiz, riuhaha naeuz:“Caijsoq caijsoq, dwg lanmbauq nyiengh lo. Mboujgvaq, lanmbauq ha, duzbakgeng mwngz lij ca di, lij souh mbouj ndaej cungj ciengzmienh hung neix. Gvaqlaeng mwngz lai roengz di goengfou, baez wnq caiq beij gvaq, baez wnq caij beij gvaq.”

Niuz Hwzsw gaiveijvei cujyin youq henz haenx iet fwngz gvaqdaeuj gaem ndaet fwngz Loeg Daihdamj, naeuz:“Laux Loeg ha, mwngz vih Gai Naznamz ceng ndaej mingzdaeuz ceng ndaej danaj ha, gou boux gaiveijvei cujyin neix daibyauj vunz daengx gai hoh mwngz lo.” Youh iet fwngz gvaqbae gaem fwngz Gobiz, naeuz:“Saw hingz dwg saeh bouxbing ciengz miz, bouxcoz gaej cuengq youq ndaw sim, baez wnq doxdax dou angqcoux mwngz caiq daeuj.”

Niuz Hwzsw diemj ci ien he, cit gaemz hung he, youh byoq gaemz hoenz hung he, lumj dwg gag gangj gag naeuz nei:“Neix hix dwg lizsij bietdingh, lizsij bietdingh ha, mwngz siengj Gai Naznamz roegvameiz doxdoj lizsij gyaeraez, yaeuh、gaeb、ciengx、gyauq、roegvameiz doxdoj cungj dwg gisuz beij dieg wnq ndei, youh ciemq seizgei ndei, ndaej gvanginh dwg gij saeh liuh ndaej daengz gig hableix ha.”

Ndawsim Gobiz gamjdaengz gig nyapnyuk: Gijmaz goengfou lij ca di, gijmaz lizsij bietdingh, ced meh de cungj dwg vahhoengq. Danghnaeuz mbouj dwg gou hai dohlahgih buet seng’eiq itdingh ginggvaq Gai Naznamz, gou danghnaeuz mbouj dwg dingzlai seng’eiq gouz mwngz Loeg Daihdamj caeuq gouz gij gvanhaeh mwngz, itdingh hawj duzbakgeng gou doj dai duzdinggyaeuj mwngz cij ndaej. Hojlienz duzbakgeng gou, gaenq baeg song ngoenz lo, daj ngoenzlwenz dauqfuk doxdax roengzdaeuj daengz seizneix lij caengz gwn saek yiengh doxgaiq…… Ndawsim Gobiz hujdengdeng siengj dwk, gwnz naj cix riumbw, aenbak cix mbouj sangj saekdi naeuz: “Goeng’au Loeg, ngoenzlaeng lij cingj mwngz lai di bang gou bw!” Gangj le couh daengz Siujdezyinz fucwz caizbuenq haenx daj ndaw fwngz de riuj loengz roeg swhgeij gvaqdaeuj, baenq ndang byaij bae, lienz ngaenzciengj doxgaiqciengj hix mbouj caj aeu lo. Siujdezyinz gaem aeu aen vahdoengz vwnzva cunghsinh cujyin ndenq gvaqdaeuj haenx, sing hung naeuz:“Seizneix senhbu, baez Gai Naznamz roegvameiz doxbuek daihciengj sai neix gezsai sat lo, gvanginh dwg ‘duzdinggyaeuj’ Loeg Daihdamj Gai Naznamz , yaginh dwg ‘duzbakgeng’ Gobiz Gai Dungzmenz!” Riengzdwk, boux guh goengcingq gam roegvameiz doxdoj Vah Gojgoj senhbu, “Gezsai gezgoj goengcingq.”

Cienzciengz sawqmwh cauzhuhu hwnjdaeuj, miz singndaq miz sing’ienq miz singhemq, ndaw bouq gwnz gai rog gvangjcangz, miz vunz roq rek roz bat vanj, miz vunz boq dig roq gyong roq laz, daeuj hoh Loeg Daihdamj ndaej hingz, vih Gai Naznamz ceng ndaej mingzdaeuz ceng ndaej danaj.（3）

文化中心主任打开播音键，对着话筒发话：“请大家注意了，请大家注意了，那楠街画眉搏击大赛冠亚军决赛马上就要开始了，那楠街画眉搏击大赛冠亚军决赛马上就要开始了！下面，请胖哥的‘硬咀哽’和陆大胆的‘叮头叮’入场。”

来自桐棉街的手扶拖拉机手胖哥从大榕树后面走出来，到陆大胆身边站定，恭恭敬敬地却又一语双关地说：

“陆叔公，您人威鸟威，可要给晚辈留条生路啊！”

陆大胆不露声色地说：“哪里哪里，后生可畏，我倒是欣赏你的硬咀硬的。”

胖哥递上一包从邻国走私过来的三五版香烟，说：“陆叔公，这十万山中有谁不知您老调养的画眉有绝招？不说这那楠街中，就是整个十万山中怕也没有谁能斗得过您老的。我那‘硬咀硬’比起您的‘叮头叮’，只不过是小巫见大巫，绝不是您的对手的。”

陆大胆接过香烟，笑着说：“贤侄你过奖我了，其实你贤侄过五关斩六将一路上来，也算是年轻有为，身手不凡嘛。”

文化中心主任看到陆大胆向他点点头，便马上对着话筒喊三声：“现在决赛开始。”负责裁判的小铁人和公正监察花果果先分别嗅闻硬咀硬和叮头叮是否被喷过酒，继而细细检查鸟嘴鸟爪是否安有铁罩绑有铁钉之类的暗器，然后才爬上高梯，把两只画眉放进画眉柱上的画眉笼中。刚才还在喧闹的人们这时都凝眸噤声，全场静得能感到气息的游动。有头有脸的上等人士，竟也掐灭烟头目不旁视。手捏话筒坐在高凳子上的文化中心主任目如光圈，紧紧罩住笼中二鸟的一举一动，话头如珠落玉盆，听得全场观众的心一惊一乍、一松一紧、一悬一落。大家看到笼中的两只鸟，移爬蓄势，收身含威，微振羽翅以待攻，慢动角度以寻机。犹如电影电视中武林高手的殊死搏杀、拼打恶斗前的高悬场面。

人们感到空气似乎凝固了，心律在加快，眼睛眨也不眨眼珠动也不动地等待这一牵人心魄的决斗。“硬咀硬”、“叮头叮”都是画眉中的姣姣者，都是经过几番搏斗冲出重围而出类拔萃的。如今两强相遇，想来必有个天翻地覆险象环生精彩至极。然而，大千世界，无奇不有。初赛复赛中愈战愈勇势如破竹的“硬咀硬”，关键时刻一反常态，三嘴五爪，便缩头敛翅拖尾灰溜溜败下阵来，听任“叮头叮”爪抓翅扑，也只是躲而不迎。输，输得太扫兴了。

没劲没味的决赛！不过瘾的决赛！全场哄声突起，怨语不断，憾叹连连。

胖哥又给陆大胆递上一包三五牌香烟，说：“陆叔公，您赢了，晚辈真服您了。”

陆大胆拍拍胖哥的肩膀，笑哈哈地说：“彩数彩数，是贤侄你谦让了。不过，贤侄啊，你的硬咀硬还欠点火候，还经不起大场面受不住大威势呐。以后调养多下点功力，下次再比过，再比过。”

一旁的街委会主任牛黑四伸过手来紧紧握住陆大胆的手，说：“老陆啊，你可为那楠街争得了荣誉争得了光彩啊，我这街委主任代表全街居民感激你祝贺你啦。”又伸过手去握住胖哥的手，说：“胜败乃兵家常事，年轻人别往心里计较，下次再比赛我们还欢迎你来。”

牛黑四点上根烟，深吸一口，长吐一口，似是自言自语地感慨：“这也是历史的必然，历史的必然呐，想那楠斗画眉历史悠久，诱、捕、调、养、斗画眉都技高一筹，又占了天时地利人和，独占鳌头是意料中事理所当然的。”

胖哥的心里感到一阵苦涩和气闷：什么功夫差欠火候，什么历史的必然，都他妈的是废话。我要不是开拖拉机跑生意必经过那楠街，我要不是大数生意求你陆大胆及其关系网，非让硬咀硬斗死叮头叮不可。可怜我的硬咀硬，已是两天疲劳，自昨天复赛下来至今滴水未进……。胖哥心里愤愤地想，脸上却干干地笑，嘴上郁郁地说：“陆叔公，日后还请多关照啊！”便径直到负责裁判的小铁人手中提过自己的鸟笼，侧身取道而去，连奖金奖品也不等着拿了。小铁人拿过文化中心主任递来的话筒，大声说：“现在宣布，本次那楠街画眉搏击大奖赛决赛结束，冠军是那楠街参赛选手陆大胆的‘叮头叮’，亚军是桐棉圩参赛选手胖哥的‘硬咀硬’！”紧接着，公正监察花果果宣布：“决赛结果公正。”

全场霎时哄闹声起，有骂有怨有呼有喊。广场外的街道店铺里，有人敲锅打碗击盆，有人吹笛鸣小号擂铜鼓擦钢钗，以庆贺陆大胆取得胜利，为全那楠街争光争荣。

(三)