2 nyied 11 hauh, ngoenz liggaeuq ndwencieng cibngeih, youq Lungzlinz Gak Cuz Swciyen Mbanjdwzngoz, fanh lai boux beixnuengx Myauzcuz daj Lungzlinz、Sihlinz、Gveicouh Anhlungz、Anhsun daengj dieg daeuj, doxcomz youq gizneix, ciengq go diuq foux, boq aenvenz, bin faexsaux, angq hoh Ciet Diuqbo Myauzcuz. Ngoenzde, caemh gawjbanh le baijyienj “buh gyaeundei Myauzcuz” hozdung. Gyoengq beixnuengx Myauzcuz dawz buhvaq gyaeundei gag guh haenx baijyienj hawj vunzlai yawj, yienh’ok le beixnuengx Myauzcuz gaenxguh、coengmingz、dinfwngz giujret haenx.

(Veiz Vancungh sij Cinz Yungj hoiz)