2 nyied 12 hauh, Yungzsuij Myauzcuz Swciyen Anhdai Yangh angq coux ma aenciet “cibsam hoihbo”, gak cuz ginzcung seiq henz yanghcin doxcomz youq itheij, daenj buhmoq, ciengq go diuq foux, angq hoh bi moq. Gyoengq lwgnyez hix riengz bohmeh daeuj daengz gwnz “hoihbo”, boq venz diuq fouxcaijdangz, daj ndawde hagsib swnjcienz minzcuz vwnzva. “Hoihbo” dwg aen ciet conzdungj gak cuz lwgminz doxcomz guh’angq ndaw yienh Yungzsuij ndeu, ndawde, aeu Myauzcuz beixnuengx guhcawj. Moix bi hozdung daj ndwencieng cosam hainduj, daengz ndwencieng cibcaet guh sat. “Hoihbo” Myauzcuz daj 2006 nienz hwnj ndaej senj haeuj buek daih’it guekgya gaep feihvuzciz vwnzva yizcanj mingzloeg.(Lij Binh sij Cinz Yungj hoiz)