1 nyied, Bingzgoj Yen roengz vwnzgen, dingh Gvangjsih Bingzgoj Nanzvaz Dangzyez Youjhan Gungh- swh daengj 47 aen giyez cauxguh、gai、ginghyingz gij doenghyiengh saujsu minzcuz daegbied aeu yungh nem ngoenznaengz yungh de guh ndaw yienh minzcuz mouyi giyez.

Minzcuz mouyi giyez cug bi cug dingh, bineix gij seizgan dingh minzcuz mouyi giyez de daj 1 nyied 1 hauh daengz 12 nyied 31 hauh. Gij youhvei cwngcwz gvendaengz minzcuz youhvei cwngcwz de dwg: Gij daigvanj minzcuz mouyi giyez aeu de gihcunj liliz beij giyez wnq daemq 2.88%, gij daigvanj liliz neix mbouj ndaej daezsang, doiq gij daigvanj hawj giyez guh gisuz gaijcau de boujdiep leihsik, cienz diep leihsik youz cunghyangh nem swngj gaep caizcwng gak bouj byongh ndeu.

Ciuq cam rox, Bingzgoj Yen miz minzcuz mouyi giyez 39 aen, daengx bi daigvanj daihgaiq 6 ik maenz, yiengjsouh leihsik 1114.436 fanh maenz. Hengzguh gij youhvei cwng- cwz nem bued gij cienz ngaenz neix, cungfaen yienh’ok dangj nem guekgya gvensim nem hohgyaez saujsu minzcuz, hawj minzcuz mouyi giyez lai miz rengz fazcanj, coicaenh minzcuz mouyi giyez ndaej gengangh fazcanj.

(Lij Gyanghlanz)

Bingzgoj Yen