Raeuz rox, baenzae dwg huhgizdau ganjyenj roxnaeuz miz gij doxgaiq wnq saekdimz seiz guh ok cungj fanjying ndeu, danhseih baenzae hix dwg gij bingh gouqmingh bouxlaux sim sailwed haenx.

Bouxlaux daegbied dwg bouxlaux miz bingh sim sailwed, diuzcez caeuq sikhab sim sailwed haemq yaez, mwh ninz nanz roxnaeuz maeuq diengzhaex hwnqdaeuj seiz, aenvih hezyaz diuzcez mbouj daengzvih, yungzheih yinxhwnj baenz hezyaz daemq, doeklaeng baenz uk siuj lwed maezgae bae. Vih fuengz loeklawq, mwh hwnqmbonq roxnaeuz maeuq diengzhaex hwnqdaeuj le, sien sup heiq gaeuq, caiq yunghrengz ae geij sing, couh ndaej fuengz maezgae. Neix dwg aenvih mwh ae seiz, ndaej naenxat aenbwt gvaenx baedauq, hawj lwed lae haeuj simdaeuz bae, caemhcaiq doenggvaq “saenqdaenh” hawj simdaeuz gyavaiq sousuk, geiz sousuk hezyaz ndaej swng hwnj 50 daengz 80 hauzmij gungcu, doiq aen’uk soengq lwed daih miz ndeicawq.