Ngamq haicin seiz, heiqhaeuh bienqvaq lai, bouxlaux caeuq lwgnyez yungzheih ndaej bingh. Ginggvaq gwnndoet daeuj demgiengz rengz dingj bingh cibfaen youqgaenj. Daeuhfouh ndaej guh byaek gwn, caemh ndaej guh yw yungh, gwn de ndaej ik heiq bouj haw, ciengz gwn daeuhfouh ndaej baujhoh aen’daep, demgiengz rengz dingj bingh, caemh ndaej gej doeg dem.

Daeuhfouh caeuq gij huq aeu daeuhfouh daeuj guh hamz danbwzciz beij duhhenj lai, caemhcaiq danbwzciz daeuhfouh dwg danbwz caezcienz, mboujdanh miz 8 cungj anhgihsonh ndang vunz aeu miz haenx, gij bijli de ciepgaenh ndang vunz sihyau, yingzyangj gyaciz haemq sang, seizcin gwnndoet hab citdamh, daeuhfouh yingzyangj lai youh mbouj nywnx, cingq dwg gij huqndei hab seizcin gwn haenx.

Conzdungj cunghyih nyinhnaeuz, daeuhfouh feih diemz singq liengz, gwn de ndaej ik heiq huz ndaw、seng raemx gej doeg, ndaej yungh daeuj yw binghda’nding、 gaij hozhawq.