Fwn rumz soengq cin ma

Siet mbin daz cieng daeuj

Raeuz gvaq cieng sim raeuj

Gingq laeuj youh cimz caz

Seizgan bae ndaej nyaemz

Bicieng caemh daeuj vaiq

Fungsou cib bi byaij

Gwndaenj caiq hwnjsang

Samcung cienzhoih hai

Neiyungz lai youh naek

Gaijgwz aeu haeujlaeg

Gaihfang yaek mbe hung

De gvaq cieng gaj mou

Gou gaj bit gaj gaeq

Dumq faengx youh nyumx gyaeq

Bwh caezcienz hwnj daiz

Bouxcoz gyaez dwk giuz

Iu mbanjwnq daeuj beij

Song baih dwk ndaej ndei

Vunz vuenheij bek fwngz

Bouxlaux ciengq Heiqcuengh

Beixnuengx cungj daeuj ngonz

Heiq gwnzdaiz gangj son

Sim anonj dingq naeuz

Mehmbwk hai hoihfwen

Coenzcoenz dwen aen dangj

Raeuz vuenyungz sim’angq

Docih dangj caux hawj

Guh heiq caeuq eu fwen

Cungj dwen Cibbet Daih

Guek raeuz fazcanj vaiq

Vih seiqgyaiq ok rengz

Siengjmuengh Cungguek raeuz

Baihnaj gyaeu lumj veh

Daengzcog saedyienh de

Minz fouq le guek giengz

Bineix raeuz gvaq cieng

Van lumj diengz(dangz) oijhaeux

Siujgangh raeuz aeu haeuj

Caeux di engq fouqmiz