Bonjbauq siusik (gicej Cinz Yajniz Vangz Hauyinz) 1 nyied 22 hauh, Yinznanz Sihsangh Banjnaz Bau fucungjbenh Yi Ganghlungz daiq 9 boux benhciz Daivwnz benhcizbu daeuj daengz bonj bauq guh hong gaujcaz gyauhliuz .

Daicuz caeuq Bouxcuengh vah doxdoengz, goekgaen cungj dwg seizgeq “Bwzyez”, ndigah Daicuz caeuq Bouxcuengh dwg beixnuengx.

Youq gwnz hoih gamgjlwnh, bonj bauq Banh Cauzyangz cungjbenh hawj gyoengq gaujcazcuj gaisau le gij cingzgvang hong Minzcuz bau Banj Sawcuengh caeuq dangqnaj lij miz gij gunnanz haenx. Yi Ganghlungz fucujbenh hix gaisau le gij cingzgvang Sihsanghbanjnaz Bau hawj daihgya dingq. Yi Ganghlungz maqmuengh song aen bause aeu gyagiengz gyauhliuz hagsib, ciengzseiz baedauq, caezdoengz daezsang banh bauq saw minzcuz suijbingz.