Seizdoeng caeuq seizcin yungzheih baenz dwgliengz, yawhfuengz cosih cuj- yau miz:

1、Genhciz hai cueng haeujninz, daihseih aencueng gaej hai hung lai, hoengheiq ndaw rug aeu singjsien、riuzdoeng ndei.

2、Ndaw rug cuengq di bozhozyouz, roxnaeuz aeu meiqgwn oenq ndaw rug.

3、Gaej gwn noh daiq lai, lai gwn di lauxbaeg nding ndeu.

4、Ngamq baenz dwgliengz seiz, ndaej heuz gwn ganjmaucingh、banjlanzgwnh daengj yw, dwgliengz youq- gaenj seiz aeu bae yihyen genjcaz aeu yw.

5、Nunaenx giz cuzsanhlij. Cuz- sanhlij youq giz gyaeujhoq mbiengj baihrog giz mboep dag roengzbae sam conq (daih’iek seiq lwgfwngz), lwgfwngzmeh naenx rengz di, gizyawz seiq lwgfwngz cuengq youq raeblaeng gahengh caeuq lwgfwngzmeh doxdoiq, naenx daengz gizde miz insep cij dingz, leuxle caiq yungh doengz cungj fuengfap naenx lingh ga cuzsanhlij.