Vihliux cienzmienh gvancez saedhengz dangj caeuq guekgya aen cwngcwz fazgveih gvendaengz saw vah saujsu minzcuz, eifap baujcang gij gienzleih gak minzcuz ndaej yungh caeuq fazcanj saw vah swhgeij, aeueiq vah minzcuz fazcanj gvilwd, haengjheiq gaihcanj guh hong saw vah saujsu minzcuz, 1 nyied 8 hauh, aen ban son Sawcuengh youz Swcigih Minzyijveij cawjbanh、Gveilinz Si Minzyijveij caeuq Lingzconh Yen Minzcuzgiz ciepbanh haenx youq Lingzconh Yen Lanzdenz Yauzcuz Yangh Funghmuzgwnh Mbanj- cuengh hai ban, miz 69 boux ginzcung Bouxcuengh daeuj dingq go. Swcigih Minzyijveij Yingyungcu caeuq 《Sam Nyied Sam》 Cazcise bouxlauxhangz Sawcuengh bae hawj gyoengq ginzcung gangj goq.

Lanzdenz Yauzcuz Yangh Funghmuzgwnh Mbanjcuengh dwg Lingzconh Yen 2014 nienz dingh guh aen mbanj sifan yungh gangj vah minzcuz ndeu. Aen mbanj neix gungh miz 56 hoh 215 vunz, ndawde miz 195 boux dwg Bouxcuengh, dwg rangh dieg neix aen mbanj baujlouz Vahcuengh ceiq ndei ndeu.

Ngoenz haenx, Gveilinz Si Minzyijveij lij soengq aen dennauj dij ngaenz 5000 maenz ndeu caeuq buek saw cwngcwz fazgveih、sawson Sawcuengh ndeu hawj aen Mbanjcuengh neix.

(Yangz Yungjgvangh Moz Binh/阳永光 莫 滨)