“Samcung cienzhoih Baekging hai, vunzlai Mbanjcuengh sim angqyangz, nyez laux mbwk sai comz ndaw mbanj, baij daiz eu fwen danq ngoenzndei.”

Bi’gvaq 12 nyied 26 hauh, Swcigih Dangjveij Senhconzbu caeuq Gvangjsih Vwnzlenz lienzhab youq Nanzningz Si Cinghsiugih Cangzdangz Cin Mbanjdiendangz gwnz Bovuenyungz gawjbanh hoihfwen——“Eu fwen Danq Ngoenzcog”, eu fwen senhconz Cibbet Daih cingsaenz. Hozciz、Liujcouh、Gveilinz daengj cibngeih aen di si senj ok 30 lai boux canghfwen daeuj camgya, gyoengqde aeu “Cibbet Daih”caeuq “Cibbet Daih Samcung Cienzhoih” cingsaenz guh cawjdaez guh fwen eu fwen. Ngoenzde, gyoengq boux canghfwen bouxboux cungj langh sing eu fwen, baez hot baez hot fwen haenx, dawz “Cibbet Daih”caeuq “Cibbet Daih Samcung Cienzhoih” cingsaenz cienz daengz ndawsim gyoengq vunzmbanj bae, sing fwen goksasa gyoengqde, ndaej daengz gyoengq vunzlai dop fwngz haenh ndei.

(Denz Gyah sij Veiz Cunhfangh ingj/田家 文 韦春方 摄)