Baicuzsoj gangingj cawz bouxdangban le, cienzbouh bae gwn, gya hwnj Vangz Gez、Couh Cangzgyangh. Cincangj Lij Yungjningz dingh song daiz byaek, cienzbouh naengh rim. De vixdingh Maj Sanh caeuq de caemh daiz. Maj Sanh naeuz lingjdauj naengh lingjdauj naengh. Lij cincangj naeuz mwngz dwg boux miz goenglauz ha. Veiz Gaijfang naeuz naengh ba, mbouj miz geijlai boux lingjdauj, naengh ndaej roengz. Maj Sanh couh ei lo. Couh Cangzgyangh daj lingh daiz he gvaqdaeuj, sab rwz Lij cincangj naeuz youz gou ok cienz. Lij cincangj ngaek gyaeuj, naeuz yienghneix mwngz hix naengh neix ba. Couh Cangzgyangh couh naengh roengzdaeuj mbouj byaij lo. Lij cincangj gingz cenjlaeuj hwnjdaeuj, lij ndwn hwnjdaeuj dem, naeuz gyoengq dungzci, gou daibyauj cin dangjveij caeuq cwngfuj, hoh dou Sihmwnz Cin Baicuzsoj gvanghyungz bingz ndaej yienh gungh’anhgiz senhcin cizdij, hoh Maj Sanh dungzci bingz ndaej senhcin goyinz, hoh sou aeu ndaej mingzdaeuz ndei, ndoet liux!

Ndoet liux!

Maj Sanh ndoet cenj he le, youh gingq Lij cincangj cenj he, couh mbouj ndoet lo, byawz gingq de cungj mbouj gwn. De naeuz gou cingq banh’anq, mbouj naengz gwn, boux gingq de haenx couh mbouj gaemh de, cungj naeuz mwngz seizbienh ndoet di, gou ndoet liux. Aenvih gyoengqde cungj rox Maj Sanh naeuz banh’anq dwg gangj aen’anq Lij Siujmungz deng gaj.

Hoeng gwnz daizlaeuj byawz hix mbouj dwen Lij Siujmungz, lumjbaenz Lij Siujmungz dai mbouj miz maz geizgvaiq, hoeng saedsaeh dwg Lij Siujmungz deng gaj aen anq neix gig geizgvaiq, de daegbied couh dwg daegbied youq boux haenx gaj vunz le lij sij cih——bouxgajvunz Vuj Sungh! Caenhguenj neix dwg hag Vuj Sungh boux yinghyungz cien lai bi gaxgonq haenx, roxnaeuz hag benq densi lenzsuzgi 《Suijhuj Con》seizneix cingq cuengq haenx ndawde boux yenjyenz haenx. Miz vunz gajgwq Lij Siujmungz lo. Gingqyienz lij dang swhgeij dwg yinghyungz, mwngz naeuz geizgvaiq mbouj geizgvaiq? Lij Siujmungz dwg mehmbwk gyaeundei maxlaz, neix byawz cungj rox, hoeng vunz diuqfoux diuq ndaej ndei, ciengq go engq ndei, Sihmwnz Cin moix bi cujciz cezmuz guh vanjvei caeuq bae ndaw yienh camgya veiyenj, baez lawz mbouj dwg Lij Siujmungz guh? Neix dwg saehcaen. De dwg dah gyaeundei、boux okmingz Sihmwnz Cin, mwh de lij lix, gyoengqvunz gingciengz youq baihlaeng lwnh de, lij lwnh gyoengq bouxsai caeuq de doxndei haenx, gangj gij saeh maxlaz de, caemhcaiq cienzboq okbae. Hoeng seizneix dah gyaeundei、okmingz neix dai lo, gyoengqvunz gingqyienz mbouj dawz haeuj sim geijlai, couh lumj yahgeq mbouj miz mingz he dai nei. Roxnaeuz dwg aenvih Couh Cangzgyangh goj youq, de ndongqda caeuq Lij Siujmungz ninz, dwg daih’it hauh Sihmwnz Ging. Bouxgajvunz danghnaeuz laebdaeb gaj roengzbae, ciep roengzdaeuj haengjdingh dwg gaj Couh Cangzgyangh. Ndigah Couh Cangzgyangh bienqbaenz lingh boux vunz he gaenriengz caekhaex Maj Sanh, gyoengq gingjcaz coengmingz haenx gangjvah siujsim lili, lienz cincangj hix mbouj dwen gij saeh haenx. Caiqgangj can haeux neix yienznaeuz dwg cin cwngfuj cingj hoeng dwg Couh Cangzgyangh ok cienz, byawz lij dwen Lij Siujmungz ne?

Donq haeuxringz neix gwn daengz laj- byonghngoenz yaek roengzban seiz cij sat. Vunz sanq seiz, sojcangj Veiz Gaijfang dandog heuh Maj Sanh daengz giz bienbik, naeuz Maj Sanh, miz vunz siengj ciq baicuzsoj dou ci cungq he.

Maj Sanh naeuz byawz?

Lij cincangj, Veiz Gaijfang naeuz, mwngz rox couh ndaej lo.

Maj Sanh naeuz de vihmaz yaek ciq cungq?

Neix lij caengz rox ha? Veiz Gaijfang naeuz, fuengz ndang vei.

Veiz Gaijfang naeuz neix mbouj dwg mwngz doileix ma? Mwngz naeuz bouxgajvunz gaj Lij Siujmungz le, haengjdingh lij yaek gaj vunz. Ndigah cincangj cij mbouj ndaej mbouj ciq cungq fuengz ndang.

Maj Sanh naeuz hoeng cungq mbouj naengz luenh ciq ha.

Veiz Gaijfang naeuz de dwg cincangj. Camhseiz ciq hawj de, caj gaeb ndaej bouxgajvunz le couh aeu dauq.

Maj Sanh naeuz dou baij boux gingjcaz he gaen riengz de mbouj ndei ma? Caiqgangj Lij cincangj mbouj itdingh yungyiemj, aenvih de mbouj lumj Couh Cangzgyangh yienghhaenx ndongqda guh, lienz gou cungj mbouj rox, seizneix mwngz naeuz gou cij rox. Ceiq yungyiemj dwg Couh Cangzgyangh.

Miz cungq fuengz ndang cij mbouj lau, Veiz Gaijfang naeuz. Cingq aenvih mbouj miz geijlai vunz rox Lij Siujmungz caeuq Lij cincangj ninz, ndigah baij boux gingjcaz he baujhoh de mbouj dwg dieg neix mbouj miz ngaenz sam bak liengx ma? Lijdwg ciq ci cungq he hawj de ndei di.

Maj Sanh naeuz gawqyienz lingjdauj naeuz ciq couh ciq ba.

Veiz Gaijfang naeuz yienhghneix mwngz ciq ci mwngz hawj de. Aenvih gienh saeh neix vunz rox yied noix yied ndei.

Maj Sanh sikhaek naeuz mbouj ndaej!

Veiz Gaijfang naeuz ciq cungq gienh saeh neix gou fucwz, mwngz cuengqsim.

Maj Sanh naeuz mbouj ndaej ha, sojcangj.

Vihmaz mbouj ndaej? Veiz Gaijfang naeuz.

Maj Sanh seizneix siengj naeuz cicungq gou gaenq ra mbouj raen haujlai ngoenz lo, aenvih gou nyinhnaeuz gou ra ndaej dauq, cujyau dwg vihliux bingz senhcin, gou lau yingjyangj cizdij bingz senhcin cij mbouj naeuz okdaeuj. Hoeng Maj Sanh youh siengj danghnaeuz seizneix baenzneix gangj, saehcingz mbouj dwg guh luenh liux ma? Aen’anq Lij Siujmungz lij caengz ndaej buq, youh caiq dem gienh saeh he, yaep seiz gangj mbouj cingcuj, gaej naeuz aen’anq Lij Siujmungz buq mbouj ndaej, lauheiq cungq hix ra mbouj dauq. Dwk cungq doek gienh saeh neix lij dwg caj aen’anq Lij Siujmungz buq le cij gangj ba.

Veiz Gaijfang raen Maj Sanh mbouj dap, mbouj rox de cingq siengj saeh, laihnaeuz de haepbak moemmoem dwg mbouj haengj ciq, couh naeuz yienghneix ndei ba, gou ciq ci gou hawj de. Veiz Gaijfang mingzyiemj gig mbouj sangj. Maj Sanh siengj danghnaeuz ci cungq gou mbouj doek, gou haengjdingh ciq hawj cincangj lo.

（11）

派出所干警除了值班人员之外，全都赴宴，加上黄杰、周长江。镇长李勇宁订了两桌酒席，全部坐满。他指定马山和他坐一桌。马山说领导坐领导坐。李镇长说你是功臣呀。韦解放说坐吧，没有几个领导，坐得下。马山就依了。周长江从另一桌过来，对李镇长耳语说由我买单。李镇长点头，说那你也坐这吧。周长江便坐下不走了。李镇长端起酒杯，还站起来，说同志们，我代表镇党委和政府，祝贺我们西门镇派出所光荣评上县公安局先进集体，祝贺马山同志评上先进个人，为了荣誉，干杯！

干杯！

马山喝了一杯酒后，又敬了李镇长一杯，就不喝了，谁敬都不喝。他说我正在办案，不能喝，敬酒的人就不勉强他，都说你随意，我喝完。因为他们都知道马山说的案指的是李小萌被杀事件。

但酒桌上谁也不提李小萌，仿佛李小萌之死不足为奇，可事实上这起杀人案非常新奇，它的特别之处在于凶手的留言——杀人者武松！尽管这是对一千多年前英雄武松或当下火爆的电视连续剧《水浒传》里演员的模仿。有人把李小萌杀了，居然以英雄自居，你说奇不奇？李小萌是漂亮风骚的女人，这是有目共睹的事实，可人家舞跳得好，歌唱得更好，西门镇每年组织节目搞晚会和到县里参加会演，哪一次不是李小萌一手操办？这也是事实。她是西门镇的美人、名人，她活着的时候人们经常在背后议论她以及和她相关的男人，捕捉她的风流韵事并加以传播。但如今这位美人、名人死了，人们的反应竟十分淡漠，就好像死了一个普通的老太婆一样。也许是因为周长江在场，他是明目张胆和李小萌通奸的人，是第1号西门庆。凶手如果继续杀人的话下一个目标肯定是周长江。所以周长江一反常态像跟屁虫一样跟着马山，聪明的警察们的言谈非常聪明和谨慎，连镇长也保持沉默。再说这顿宴席虽然是以镇府的名义请客，但买单的是周长江，谁还会提李小萌呢？

宴席到下午快上班的时间才结束。人疏散的时候，所长韦解放单独把马山叫到僻静处，说马山，有人想跟我们派出所借把枪。

马山说谁？

李镇长，韦解放说，你知道就行了。

他为什么要借枪？

这还不明白？韦解放说，防身呗。

马山说他知道有人要杀他？

韦解放说这还不是你推理的吗？你说凶手杀了李小萌，肯定还要再杀人。所以镇长才不得不借枪以防万一。

马山说可是枪是不能借的呀。

韦解放说他是镇长。暂时借给他，等凶手抓到了就要回来。

马山说我们派个警察跟着他不是更好吗？再说李镇长不一定很危险，因为他不像周长江那么明目张胆，连我都不知道，现在你说了我才知道。最危险的是周长江。

有备无患，韦解放说。正因为知道李小萌和李镇长的关系的人少，所以派个警察保护他不是此地无银三百两吗？还是借把枪妥当些。

马山说既然是领导说借就借吧。

韦解放说那你把你的枪借给他。因为这事知道的人越少越好。

马山断然说不行！

韦解放说借枪这件事我负责，你放心。马山说不行呀，所长。

为什么不行？韦解放说。

马山这时候就想说我的枪已经丢了好多天了，因为我以为我能把枪找回来，主要因为要评先进，我怕影响集体评先进才没有说。但是马山又想如果这时候这么说，事情不是搞乱了吗？李小萌的案子还没破，又再添一起事件，一时扯不清楚，不要说李小萌的案子破不了，恐怕枪也找不回来。丢枪的事还是等李小萌的案子破了再说吧。

韦解放见马山缄口不语，不知道他在想事，以为是用沉默方式坚定地拒绝，就说那好吧，我把我的枪借给他。韦解放显得很不高兴。马山想我的枪如果不丢的话，我肯定只得借出去，借给镇长了。

（十一）