Aeu caj gaeb ndaej bouxgaj haenx cij rox, Maj Sanh naeuz, mboujgvaq gou gujsuenq, gaj vunz dwg vihliux cawz vunzvaih, bouxgajvunz dwg boux cibfaen caengz Lij Siujmungz maxlaz. De sij cih naeuz boux gaj vunz dwg Vuj Sungh, eiqsei gig mingzyiemj, vamingz Lij Siujmungz couh heuh guh Banh Ginhlenz. Yienghneix bouxgajvunz couh gig hojnaengz dwg bouxgvan Lij Siujmungz roxnaeuz daegnuengx bouxgvan de? Vangz Gez naeuz, gvan Lij Siujmungz dwg byawz? Miz mbouj miz beixnuengx? Daegnuengx Vangz Gez Vwngz Wnh dap naeuz, Dangz Sunghging, yienh cunghyoz cungjvu, lumjbaenz mbouj miz beixnuengx. Mboujgvaq haemhlwenz Dangz Sunghging mbouj ma Sihmwnz Cin, de lauheiq seizneix lij caengz rox Lij Siujmungz deng gaj nw.

Vangz Gez naeuz vaiqdi baij vunz bae gamyawj de.

Veiz Gaijfang naeuz Vangz Wnh, Vangz Wnh, mwngz bae ba.

Vangz Wnh naeuz ndei. Yienzhaeuh sikhaek hai ci bae yienhsingz.

Vangz Gez cam dwg byawz bauqanq?

Baicuzsoj minzgingj Hoz Bingjginh naeuz bouxsai he, mbouj gangj mingzcoh, dwk dienhvah naeuz Lij Siujmungz dai lo, rag bae haem ba, couh gven dienhvah lo.

Maj Sanh naeuz mbouj yungh gangj, boux bauqanq couh dwg boux gajvunz. Boux gajvunz dwg Vuj Sungh? Vangz Gez doq gangj doq naemj, miz eiqsei, 《Suijhuj》geij ngoenz gonq ngamq boq daengz Vuj Sungh gaj beixnangz, seizneix couh miz vunz ciuq gij yiengh de gaj vunz lo.

Maj Sanh baez dingq, doeksaet dwk naeuz mbouj ndei! De lij yaek gaj vunz! Vangz Gez naeuz vih gijmaz?

Maj Sanh naeuz bouxgajvunz naeuz swhgeij dwg Vuj Sungh, gajgwq Lij Siujmungz vunz cungj naeuz lumj Banh Ginhlenz neix, yienghneix de haengjdingh lij yaek gaj Sihmwnz Ging!

Byawz dwg Sihmwnz Ging? Vangz Gez cam.

Gyoengq bouxsai caeuq de ninz gvaq haenx, cungj dwg. Cawz le gvan de.

Vangz Gez naeuz yienghneix miz geijlai boux Sihmwnz Ging?

Maj Sanh mbouj gangj. Veiz Gaijfang hix mbouj gangj. Seizhaenx bouxboux cungj mbouj gangj. Caezgya mwngz yawj gou gou yawj mwngz, lumjbaenz mbouj rox saek yiengh, youh lumjbaenz gag boux gag rox hoeng mbouj gangj okdaeuj.

Vangz Gez naeuz yienghneix aeu baujhoh Sihmwnz Ging hwnjdaeuj cij ndaej, mboujnex lij miz vunz deng gaj.

Vangz Wnh daj yienhsingz dwk dienhvah ma, naeuz gvan Lij Siujmungz Dangz Sunghging seizneix youq gungh’anhgiz, mboujgvaq de song ngoenz neix cungj mbouj lizhai yienhsingz gvaq, miz haujlai vunz ndaej cwngqmingz de. Linghvaih de mbouj miz beixnuengx.

Veiz Gaijfang naeuz heuh ndaw giz cuengq de ba, hawj de ma banh begsaeh.

Mwhneix dwg banngaiz cib diemj cung, haujlai gangingj gaenq dauqma baicuzsoj. Veiz Gaijfang raen dingzlai vunz cungj youq, couh gietdingh baen sam fanh maenz ngaenzciengj haenx. Baicuzsoj miz cibhaj boux gangingj, ngamqndei moix boux baen song cien maenz. Maj Sanh naeuz dwk sam cien gou ndaej haenx haeujbae baen ba. Veiz Gaijfang naeuz yienghneix baenzlawz baenz ne, sam cien haenx dwg ngaenz mwngz, ngaenzciengj cizdij mwngz lij miz faenh he dem. Maj Sanh naeuz mbouj couh dwk sam cien haenx haeujbae, mbouj couh gou mbouj aeu song cien haenx lo. Veiz Gaijfang naeuz mwngz miz cungj siengjfap neix couh ndaej lo, wnggai aeu mwngz cienzbouh aeu.

Maj Sanh dawz haj cien maenz ngaenzciengj youq ndang, gamjdaengz mbouj bienh, couh siengj sien dawz baema ranz, youqgaenj dwg siengj hawj mehyah sim’angq mbat he.

Hoeng de youq gwnz loh deng Couh Cangzgyangh laengz roengzdaeuj.

Couh Cangzgyangh dawz aen cimohdoz de vang gvaq dangqnaj danci Maj Sanh, song ga cengj namh, lumj aen gyaq dingj cimohdoz he. De naeuz go Maj, bae ranz gou naenghnaengh ba. Maj Sanh naeuz mbouj bae, gou mbouj ndaej hoengq. Couh Cangzgyangh naeuz go Maj, gouz mwngz lo, bangbang gou. Maj Sanh naeuz bang mwngz gijmaz? Couh Cangzgyangh naeuz gou seizneix gig yungyiemj. Miz vunz hainduj gaj vunz lo. Maj Sanh naeuz mwngz rox miz vunz deng gaj la? Couh Cangzgyangh naeuz dieg raeuz baenz iq, naengz mbouj rox lwi? Caiq gangj …… Maj Sanh naeuz caiqgangj dwg Lij Siujmungz. Couh Cangzgyangh riumbw naeuz gij saeh gou caeuq Lij Siujmungz haenx mwngz hix rox law, haujlai vunz cungj rox. Boux haenx gaj Lij Siujmungz le, ciep roengzdaeuj haengjdingh siengj gaj gou. Maj Sanh naeuz mwngz caemh minjganj bw. Couh Cangzgyangh naeuz diuzmingh hung gvaq mbwn, mbouj daezfuengz mbouj ndaej. Maj Sanh naeuz mwngz siengj heuh gou baenzlawz guh? Couh Cangzgyangh naeuz gou siengj cingj mwngz baujhoh gou, cienmonz riengz gou, moix ngoenz bak maenz he, cig daengz gaeb ndaej bouxgajvunz. Maj Sanh naeuz couh dwg naeuz mwngz siengj cingj gou guh baujbyauh? Couh Cangzgyangh naeuz yienghneix gangj hix ndaej. Maj Sanh naeuz moix ngoenz bak maenz he, danghnaeuz cib bi gaeb mbouj ndaej bouxgajvunz, mwngz baenzlawz guh? Couh Cangzgyangh naeuz mbouj law. Maj Sanh naeuz baenzlawz mbouj? Aen anq neix dwg gou fucwz banh, gou maij banh geijlai nanz couh banh geijlai nanz. Couh Cangzgyangh song fwngz gop baenz gienz, naeuz eiyo go Maj, gouz mwngz lo. Gaxgonq gou gizlawz doiq mbouj gvaq mwngz, cingj mwngz yienzliengh. Maj Sanh naeuz ndei ba, gou caenhlig bang mwngz, hoeng mwngz gaej aeu cienz cingj gou. Miz cienz mwngz cehawj boux yaek gaj mwngz haenx, de aeu mid dingj simdaeuz mwngz seiz, dangmienh hawj de, gouz de gaej gaj mwngz. Couh lau de mbouj ngah cienz, lumj gou yienghneix. Couh Cangzgyangh naeuz go Maj ndei ha, gou fug mwngz lo. Seizneix, aen BPgih Maj Sanh yiengj lo. Couh Cangzgyangh sikhaek ndenq aen dagohda hawj Maj Sanh, Maj Sanh siengj daengz baezgonq yaek ciq de aeu dagohda de mbouj hawj, seizneix cingqngamj dauqfanj, mbouj youz gag riu hwnjdaeuj. Hoeng de lij dwg ciep gvaq dagohda. Dwg sojcangj Veiz Gaijfang ra de. Veiz Gaijfang naeuz mwngz ganjvaiq ma baicuzsoj, miz saeh.

Maj Sanh cienq ndang byaij doxdauq, Couh Cangzgyangh gaen dwk. Maj Sanh naeuz mwngz gaen gou guh gijmaz? Couh Cangzgyangh naeuz daj seizneix hwnj gou gyawz cungj mbouj gamj bae, mwngz daengz gyawz gou daengz gyawz. Maj Sanh naeuz ndei ba, gou lijmiz di saeh yaek cam mwngz.

Daengz baicuzsoj, Veiz Gaijfang naeuz ban- ringz cincangj cingj dou gwn haeuxringz.

Couh Cangzgyangh naeuz gou hix camgya, gou ok cienz cingj.

(10)

那要等抓到凶手以后才知道，马山说，不过我推断，杀人的动机是锄奸，杀人者是对李小萌的淫荡刻骨仇视的人。他留言杀人者武松，意思就很明显，而李小萌的称号是潘金莲。那么凶手很可能是李小萌的丈夫或她丈夫的弟弟？黄杰说，李小萌的丈夫是谁？有没有兄弟？ 黄杰的弟弟黄恩回答说，唐松庆，县中学的总务，好像没有兄弟。不过昨晚唐松庆没有回西门镇，他恐怕现在还不知道李小萌被杀。

黄杰说赶快派人先把他监视起来。

韦解放对黄恩说，黄恩，你去吧。

黄恩说是。然后立即驱车去县城。

黄杰说是谁报的案？

派出所民警何炳军说一个匿名男人，通过电话只说李小萌死了，去收尸吧，就把电话挂断了。

马山说毫无疑问，报案人就是凶手。 杀人者武松？黄杰一边说一边琢磨，有意思，《水浒》前几天刚播到武松杀嫂，现在就有人出来效仿了。

马山一听，猛然说不好！他还要杀人！黄杰说为什么？

马山说凶手自称武松，杀了公认是潘金莲的李小萌，那么他肯定还要杀西门庆！

谁是西门庆？黄杰说。

凡是和她通奸的男人，都是。除了她丈夫。

黄杰说那么有多少个西门庆？

马山不语。韦解放也不语。在场的人都不语。大家面面相觑，仿佛一无所知，又仿佛心照不宣。

黄杰说那要把西门庆都保护起来才是，否则又要出人命。

黄恩从县城打来电话，说李小萌的丈夫唐松庆现在在公安局，不过这两天他都没有离开县城，并有无数证人证明。另外他没有兄弟。

韦解放说叫局里把他放了吧，让他回来处理后事。

这时候是上午十点，大部分干警已撤回派出所。韦解放见大部分人都在，就决定把三万元奖金分了。派出所有十五名干警，正好一人两千。马山说把我那三千元也充进去吧。韦解放说这哪成，三千元是你的，集体的你一样有份。马山说要不三千元充进去，要不两千元我不要了。韦解放说你有这个意思就行了，该要的你全部都要。

马山怀揣着一共五千元的奖金，觉得是个负担，便想先拿回家去放，最主要的还是想让妻子尽早高兴。

但是他在路上被周长江拦住了。

周长江将摩托车横在马山的自行车前，两腿蹭地，像支架一样撑着摩托车。他说马哥，到我家去坐一坐吧。马山说不坐，我没空。周长江说马哥，求你了，帮帮我。马山说帮你什么？周长江说我现在很危险。有人开始杀人了。马山说你知道有人被杀了？周长江说这么小的地方，能不知道吗？何况……。马山说何况是李小萌。周长江苦笑说我和李小萌的事你是知道的，很多人都知道。那人杀了李小萌，下一个肯定想杀我。马山说你挺敏感的。周长江说人命关天，不提防不行。 马山说你想要我怎么样？周长江说我想请你保护我，专门跟着我，每天一百元，直到抓到凶手为止。马山说就是说你想请我做你保镖？周长江说可以这么说。马山说每天一百元，凶手要是十年抓不到呢，你怎么办？周长江说不会的。马山说不会？这个案子是我负责的，我爱办多久就多久。周长江双手抱拳，说哎哟马哥，求你了。以前我有什么对不起你的地方，请你原谅。马山说好吧，我尽能力帮你，但是你不要用钱请我。有钱你留着给那个要杀你的人，他用刀抵着你心口的时候，当面给他，求他不要杀你。只怕他不稀罕钱，像我一样。周长江说好马哥，我服了你了。这个时候，马山的BP机响了。周长江迅速递上大哥大，马山想起以前跟周长江借大哥大借不到，现在正好相反，不由一笑。但他还是接过大哥大。是所长韦解放呼他。韦解放说你赶紧回派出所，有事。

马山转身回走，周长江紧跟着。马山说你跟我干什么？周长江说从现在起我哪也不敢去，你到哪我到哪。马山说好吧，我还有些事要问你。

到派出所，韦解放说中午镇长请我们吃饭。

周长江说我也参加。我买单。 （十）