Seizdoeng dwg aen geiqciet haengj fat bingh sailwed sim uk ndeu. Seizgan swnghvuz yihyoz yenzgiu ndaej rox, bingh sailwed sim uk dingzlai dwg youq gyanghwnz caeuq haetromh fatbingh, binghsimsaek、 sim fwt dai、mauhfung hix dingzlai dwg youq haetcaeux fatbingh.

Ranz caengz rongh gyanghwnz 4 diemj cung baedauq, vunzraeuz sim diuq caeuq diemheiq suzdu gemjmenh, sengmingh hozdung youq laeng giz ceiq daemq, doenghmeg sailwed sim uk hix lae gig menh, yungzheih habbaenz lwed saek, sim uk siuj lwed; mwh gyoengqvunz daj “buenq ninz ndaek” ndiusingj gvaqdaeuj seiz, diemheiq caeuq sim diuq gyavaiq, lwed lae hix gaenriengz gyavaiq, hezyaz swng sang, youh yungzheih hawj sailwed sim uk gaenq lauxvaq haenx dekleg. Vih fuengz oksaeh, bouxlaux miz doenghmeg uk giet ndongj、bouxlaux miz hezyaz sang、bouxlaux miz binghsimdaeuz caeuq bouxlaux ndang haw ndang nyieg haenx, seizdoeng gyanghaet hwnqmbonq gax- gonq, wng sien laepda ietnonx gwnz mbonq geij faen cung, caj aen’uk ndiusingj caezcienz、aenndang sikhab swnghvuzcungh bienqvaq gvilwd le, caiq menhmenh hwnqdaeuj. Yaek hwnq seiz, ndaej sien youq gwnz mbonq menhmenh iet hwet, guh di hozdung iq ndeu le caiq menhmenh hwnqdaeuj.