Seizdoeng aenvih mbwn nit lai, haujlai vunz cungj haengj hoet haeuj laj denz bae goeb gyaeuj ninz, yienghneix guh rox yinxhwnj ndaw rug hoengheiq riuzdoeng mbouj ndei, gyahwnj ndang vunz sanqfat heiq hanh haeu okdaeuj, wyangjvadan diemheiq ok conghbak daeuj, conghsaej baiz heiq miz haih okdaeuj daengj, hoengheiq ndaw denz haemq oepsaep. Danghnaeuz goeb gyaeuj ninz, couh rox yingjyangj daengz saejlaux sengleix goengnaengz, haet daihngeih bouxvunz couh okyienh gyaeuj ngunh uk ciengq、cingsaenz naiqnuek、mbouj siengj gwn doxgaiq、geiqsingq nyiegdoiq daengj bingh- yiengh.

Ngamq haeuj doeng gyanghaet mbwn haemq nit, ngoenznaengz gwndaenj aeu guh daengz ninz caeux hwnq gvaiz, mienx aenndang deng rumznit gig. Boux baenz rumznit dwgliengz ndaej aeu 3 dug coengbieg、200 gwz gyaeujsuenq baek raemx gwn, yawhfuengz baenz dwgliengz. Boux baenz hohndok in aeu gyagiengz bauj raeuj. Naengh yaek haeujninz gaxgonq sien yungh raemxraeuj daeuj cimq din, mboujdanh ndaej vued lwed doeng meg, miz ik hohndok, caemh ndaej coi vunz ninz ndaek vaiq.

Cigndaej daezsingj dwg, ndaw rug aeu haeujsim hoengheiq riuzdoeng ndei, gaej goeb gyaeuj haeujninz, yienghneix cij doiq gengangh miz ik.