Hozciz Si dwg dieg gwzming laujgih, hix dwg dieg lai aen minzcuz comzyouq. Vihliux gyagiengz minzcuz vwnzva yungzhab、fazcanj, Hozciz Si Ginhcwngzgyangh Gih Daihhaj Siujyoz guh aen hozdung minzcuz conzdungj vwnzva yaubwnj gocwngz “caeuq ginghdenj caemh byaij, caeuq yisuz doxbuenx”, aen hong neix ndaej lied haeuj Gvangjsih goekdaej gyauyuz “cauxmoq ganqvunz mozsi” sawqniemh yenzgiu hanghmoeg. 11 nyied 9 hauh, aen “cauxmoq ganqvunz mozsi” sawqniemh yenzgiu cwngzgoj baijyienh hozdung neix youq Daihhaj Siujyoz gawjhengz, 32 boux hagseng Bouxcuengh、Yauzcuz、Bouxgun、Mauznanzcuz、Mulaujcuz youq gwnz fukveh 《Mbanjranz Gyaeundei·Hagdangz Gyaeundei》miz 16 mij raez haenx veh veh, baijyienh le gij gwndaenj ndei gak cuz lwgnyez youq ndaw hagdangz gyaeundei neix doxgiet doxhuz、angqyangz doegsaw、vaiqvued majhung.

(Gauh Dunghfungh Cinz Yanghyangh)