Gunghcwngz Yauzcuz Swciyen miz Yauzcuz、Bouxgun、Bouxcuengh、Myauzcuz daengj 19 aen minzcuz caez youq, ndawde Yauzcuz miz 14.8 fanh vunz. Yauzcuz beixnuengx miz haujlai fungsug daegbied gig yinx vunz. 11 nyied 17 hauh, Gvanhyinh Yangh Suijbinh Cunh Mbanjyanghbuh Yauzcuz beixnuengx gawjhengz ciengz yizsi coux bawxmoq ndeu, aen doih couxbawx vunz lai raixcaix, gij fungsug daegbied haenx yinx haujlai bouxyouz daeuj yawj. (Couh Vaz)