“Bineix, ndaw yienh mbouj aeu cienz fathawj gomiuz manhdaengj- mbwn, lij lai baez cujciz doenghboux nungzgiyenz daengz ndaw reihnaz son baenzlawz dajndaem. Ranz gou ndaem 3 moux lai manhdaengjmbwn ndaej fungsou, gij souhaeuj cingh- seuq miz fanh lai maenz. Hehe, neix docih baihgwnz dangjveij cwngfuj gvensim nem bangcoengh!”Geij ngoenz gonq, Denhdwngj Yen Dozganh Yangh Aigenz Cunh Mbanjfaznaz mehcoz Cangh simjdaih gikdoengh dwk naeuz.

Daj bineix daeuj, Denhdwngj Yen daj goek daengz byai dawz hong fuzbinz haifat dangguh gij saeh minzswngh youqgaenj daeuj ca ndei, lai roengzrengz guh ndei hong fuzbinz haifat, coi diegbya doenghboux nungzminz lai ndaem lai sou. Daengz dangqnaj, Denhdwngj Yen gyoep- suenq roengz cienzngaenz guh canjyezva fuzbinz 544 fanh maenz, bangcoengh dajndaem makit、manhdaengjmbwn、 makfeiz、lwkbiek、vagimngaenz nem raemxyingzyangj doigvangq yungh daengj 6 aen hanghmoeg. Ndawde, guhsat manh- daengjmbwn、makit、lwkbiek、va- gimngaenz nem makfeiz daengj 5 aen canjyez hanghmoeg dajndaem gungh 7285 moux, ciemq giva yinvu 139.2%; gaijguh ndoengfaex canj- lieng daemq 20000 moux, ciemq gij yinvu si gaep 100%; bangfuz nungzhoh 9914 hoh 46452 vunz, ciemq daengx bi yinvu 142.3%.

(Liengz Cwngzfuj Liu Meijcinh)