Maj Sanh rieg gingjfuz, yienzhaeuh naeuz hawj Vangz Wnh, Vangz Wnh, yaepndeu sojcangj daeuj le, mwngz naeuz hawj de gou banhaet cingjgyaj. Vangz Wnh naeuz de cam gou yienzaen gou baenzlawz gangj? Maj Sanh naeuz mwngz couh naeuz, dahnuengx gou Maj Vaz ngamq haq bae ranz gvan, gou gvaqbae yawjyawj. Cimohdoz gou hai bae lo.

Maj Sanh yawjraen aen laeuz sang roek caengz nuengxgwiz Liengz Cinghdenh, doed sang gvaq manj laeuz sam caengz haenx, couh lumj boux vunz sanghung he ndwn youq ndaw gyoengqvunz daemq. Yienzhaeuh de yawjraen duzma ranz Liengz Cinghdenh, raeuq coh de. Ced meh de, duzma neix lienz gingjcaz cungj mbouj lau, Maj Sanh siengj. Ciep dwk, youq ndaw sing ma raeuq, goeng cincangj geq Liengz Yinzgvei daj ndaw laeuz okdaeuj, yawjraen Maj Sanh, couh doiq duzma naeuz Liengz Vei, dwg vunz swhgeij. Ma baez dingq, couh mbouj raeuq lo. Maj Sanh daj gwnz cimohdoz roengzdaeuj, naeuz Liengz cincangj, mwngz ndei. Liengz Yinzgvei naeuz hai, cungj dwg vunz swhgeij, heuh gijmaz cincangj, caiqgangj gou gaenq mbouj dwg cincangj lo. Maj Sanh riu, yawjraen duzma ngiengx gyaeuj bi rieng coh de haenx caen dwggyaez, mingzcoh hix gig miz eiqsei, Liengz Vei, henhoh ranz Liengz, dwg mbouj dwg gij eiqsei neix? Liengz Yinzgvei naeuz hen ranz ajmah, daengz mwh youqgaenj, lij aeu baengh gyoengq gingjcaz sou ha. Maj Sanh naeuz ndei gangj ndei gangj.

Maj Sanh yawjraen dahnuengx de Maj Vaz daj gwnz laeuz roengzdaeuj, doq roengz lae doq roi gyaeuj, naj bongz da foeg, couh lumj Linz Daiyi ityiengh, baez yawj couh rox dwg haemhlwenz ninz guh cungj saeh haenx lai gvaqbouh lo. Danghnaeuz mbouj dwg gou daeuj le goengbaeuq hwnj laeuz bae heuh, seizneix haengjdingh lij ninz, Maj Sanh naemj. Maj Vaz raen daeggo le, angq dwk naeuz, haemhlwenz mwngz mbouj miz saeh ba? Maj Sanh naeuz mbouj miz saeh. Maj Vaz naeuz gou raen mwngz laeujfiz lo. Byawz gingq mwngz cungj gwn, lumj Cinghdenh ityiengh. Maj Sanh naeuz gij vunz ranz Liengz cungj guenq gou, mbouj gwn mbouj ndaej ha. Maj Vaz naeuz byawz heuh mwngz daibyauj ranz Maj, caiqgangj youh dwg daeggo gou. Maj Sanh naeuz Cinghdenh mbouj miz saeh ba? Maj Vaz naeuz bingz laeuj de gaem haenx dwg cang raemxgoenj gyoet, baenzlawz laeujfiz ndaej? Maj Sanh naeuz gou caen huk, mbouj rox cang. Maj Vaz naeuz mwngz daeuj baenz caeux, miz saeh lwi? Maj Sanh naeuz gou siengj camcam, haemhlwenz gou laeujfiz le, mbouj miz gijmaz doxgaiq doek hawj vunz gip ndaej ba? Maj Vaz naeuz mbouj miz ha? Gou mbouj rox. Maj Sanh naeuz yienghneix mwngz rox dwg byawz soengq gou baema ranz lwi? Maj Vaz naeuz hix mbouj rox, gou cam Cinghdenh. Cingq gangj dwk, Liengz Cinghdenh roengz laeuz daeuj, naeuz go, mwngz daeuj la. Maj Sanh naeuz ei, Cinghdenh. Maj Vaz naeuz Cinghdenh, daeggo haemhlwenz mbouj dwkdoek gijmaz doxgaiq miz vunz gip ndaej gyau hawj mwngz ba? Liengz Cinghdenh naeuz mbouj miz ha? Maj Vaz naeuz yienghneix mwngz rox dwg byawz soengq daeggo baema lwi? Liengz Cinghdenh naeuz rox, gou heuh song daeg baengzyoux gou soengq. Maj Sanh naeuz dwg byawz? Liengz Cinghdenh naeuz Couh Cangzgyangh. Maj Sanh naeuz rox lo, lijmiz byawz? Liengz Cinghdenh naeuz lijmiz boux he dwg ndaw yienh daeuj, heuh guh Denz Siuhyinz. De miz ci, gou heuh de hai ci soengq mwngz. Maj Sanh naeuz o, dwg boux gij yiengh lumj Goz Youh haenx lwi? Liengz Cinghdenh naeuz miz gijmaz vwndiz lwi? Maj Sanh naeuz mbouj miz. Liengz Cinghdenh naeuz gij saek naj mwngz haengjdingh miz, gangj ba. Maj Sanh naeuz mboujgvaq……cij dwg doek aen soujbyauj he. Cinghdenh naeuz baengzyoux gou aeu aen soujbyauj mwngz? De veq gyaeuj naeuz Maj Vaz mwngz hwnj laeuz bae dawz aen soujbyauj gou roengzdaeuj. Maj Vaz hwnj laeuz bae dawz soujbyauj roengzdaeuj, gyau hawj Liengz Cinghdenh, Liengz Cinghdenh youh ndenq hawj Maj Sanh, naeuz hawj mwngz, lauzlizsw. Maj Sanh naeuz aen neix mbouj dwg aen gou. Liengz Cinghdenh naeuz soengq hawj mwngz. Maj Sanh naeuz mbouj, gij doxgaiq baenz bengz gou mbouj aeu. Liengz Cinghdenh naeuz byawz caeuq byawz ne? Beixnuengx soengq laex mbouj suenq dwg oetngaenz gwn’oet ba? Maj Vaz naeuz go, hawj mwngz mwngz couh aeu. Maj Sanh naeuz ndei, gou sien dawz gonq, caj soujbyauj gou ra raen le, caiq boiz hawj mwngz.

Lizhai ranz nuengxgwiz Liengz Cinghdenh, Maj Sanh gwih cimohdoz, lumj gwih max ityiengh youq Sihmwnz Cin aen dieg gvangqlangh hoenghvuengh neix buet. De ndonj hongh gvaq haw, rwz riengj da raeh, lumj boux dwknyaen ra duznyaen. Doeklaeng de youq Gai Genhoz 7 hauh diegyouq Lij Siujmungz ra raen Couh Cangzgyangh. Lij Siujmungz dwg cin vwnzvacan ganbu, gyaeundei maxlaz, cawz le goeng gvan de youq yienh cunghyoz dang cungjvu haenx mbouj rox le, dingzlai vunz cungj heuh de guh Banh Ginhlenz, yienghneix gyoengq bouxsai caeuq de doxndei haenx cungj deng heuhguh Sihmwnz Ging. Vihliux faen cingcuj, bouxsai singq Liuz, couh heuh Liuz Sihmwnz Ging, singq Liu, couh heuh Liu Sihmwnz Ging, yienghneix doisuenq roengzbae, baez siengj couh rox Couh Cangzgyangh mbouj hojnaengz mbouj heuh Couh Sihmwnz Ging——De dwg Sihmwnz Cin boux daih’it dawz dagohda ne.

Bakdou Lij Siujmungz gingqyienz dwg Couh Cangzgyangh daeuj hai, aenvih Couh Cangzgyangh dingqnyi miz vunz roq dou laihnaeuz Lij Siujmungz bae hwnjban le youh ma. Hoeng hai dou dauq raen dwg Maj Sanh. Song boux cungj doeksaetyat. Couh Cangzgyangh naeuz go Maj mwngz hix daeuj ra Lij Siujmungz ha? Maj Sanh naeuz mbouj dwg. Couh Cangzgyangh naeuz mwngz cungj daengz neix lo lij naeuz mbouj dwg? Dwg couh dwg vei, gou mbouj youqgaenj. Mboujgvaq Lij Siujmungz mbouj youq. Maj Sanh naeuz gou dwg daeuj ra mwngz. Couh Cangzgyangh naeuz ra gou? Mwngz daeuj ranz Lij Siujmungz ra gou? Maj Sanh naeuz aenvih gou gujgeiq mwngz youq neix. Couh Cangzgyangh naeuz ra gou miz maz saeh? Maj Sanh gven dou hwnjdaeuj, naeuz haemhlwenz dwg mbouj dwg mwngz soengq gou bae ranz? Couh Cangzgyangh naeuz dwg ha. Maj Sanh naeuz lij miz byawz dem? Couh Cangzgyangh naeuz gou caeuq lingh boux baengzyoux nuengxgwiz mwngz, youq ndaw yienh, heuh guh Denz Siuhyinz.

（3）

马山换上警服，然后跟黄恩说黄恩，等一会所长来了，你跟他说我请一个上午的假。黄恩说他要问原因我怎么说？马山说你就说，我妹妹马华刚落夫家，我过去看看。摩托车我开走了。

马山看见妹夫梁青天家的六层高楼，突出在一片普遍三层的楼群中，像一名超级巨人站在常人的队列里。然后他看见梁青天家的狼狗，朝他吠叫。他妈的，这条狗连警察都不怕，马山想。接着，在狗吠声中，老镇长梁仁贵从楼门内出来，看见马山，就对狗说梁卫，是自家人。狗一听，就不吠了。马山从摩托车上下来，说梁镇长，你好。梁仁贵说唉，都是自家人，叫什么镇长，再说我已不是镇长了。马山笑，看着正对他昂头摇尾的狗说它真可爱，名字也蛮有意思，梁卫，梁家卫士，是不是这意思？梁仁贵说看看门而已，紧要关头，还得依靠你们当警察的呀。 马山说好说好说。

马山看见妹妹马华从楼上下来，边下楼梯边梳头，一脸的慵懒疲倦，像林黛玉似的，一看就知道纵欲过度了。要不是我来了公公上楼去叫，肯定现在还睡，马山想。马华见了哥哥，高兴地说哥，昨晚你没事吧？马山说没事。马华说我看见你醉了。谁敬你都喝，像青天一样。马山说梁家这边的人老灌我，不喝不行呀。马华说谁让你当马家的代表了，又是我哥。马山说青天没事吧？马华说他拿的酒瓶里装的全是冷开水，哪里会醉？马山说我真笨，不会装。马华说你这么早来，有事？马山说我想问问，昨晚我喝醉了，没掉什么东西让人捡起吧？马华说没有呀？我不知道。马山说那你知道是谁把我送回家吗？马华说也不知道，我问青天。正说着，梁青天下楼来，说哥，你来了。马山说哎，青天。马华说青天，哥昨晚没掉什么东西有人捡起交给你吧？梁青天说没有呀？马华说那你知道是谁把他送回家吗？梁青天说知道，我叫我的两个哥们送的。马山说谁？梁青天说周长江。马山说知道了，还有谁？梁青天说还有一个县里来的，叫田肖人。他有车，我叫他开车送你。马山说哦，是长得像葛优的那个？梁青天说有什么问题吗？马山没有。梁青天说看你的神色肯定有，说吧。马山说不过……只是丢了一块手表。青天说我哥们会要你的手表？他接着转头对马华说你上楼把我的手表拿下来。马华就上楼把手表拿下来，交给梁青天，梁青天又把表递给马山，说给你，劳力士。马山说这不是我的表。梁青天说送给你的。马山说不，这么贵重的东西我不要。梁青天说谁跟谁呀？兄弟之间送礼不算行贿受贿吧？马华说哥，给你你就拿吧。马山说好，我先拿，等我的手表找到了，再还给你。

离开妹夫梁青天的家，马山骑着摩托车，像骑着马一样在宽广兴旺的西门镇跑动。他穿街入巷，耳聪目明，像一个搜寻目标的猎手。最后他在建和街7号李小萌住处找到了周长江。 李小萌是镇文化站的干部，俏丽风骚，除了她在县中学当总务的丈夫蒙在鼓里之外，大多数人都知道她外号叫潘金莲，那么凡是和她有染的男人则被称之为西门庆。为了区别，男人姓刘，就叫刘西门庆，姓廖，就叫廖西门庆，依此类推，可想而知周长江不可能不是周西门庆--他可是西门镇第一个拿大哥大的人。

李小萌的房门居然是周长江来开，因为周长江听到敲门以为是去上班的李小萌子又回来了。但开门却见是马山。双方都吃一惊。周长江说马哥你也来找李小萌呀？马山说不是。周长江说人都来了还说不是？是就是呗，我不在乎。不过李小萌不在。马山说我是来找你的。周长江说找我？你到李小萌这里来找我？马山说因为我估计你在这。周长江说找我有什么事？马山关上门，说昨晚是不是你送我回家？周长江说是呀？马山说还有谁？周长江说我和你妹夫的一个哥们，在县里面，叫田肖人。 (三)