Daih’it, yawjnaek yawh- fuengz yaeuhfat baenz mauhfung yinhsu. Lumjbaenz hezyaz sang、hezcij sang、binghnyouhdangz、doenghmeg giet ndongj、gvanh- sinhbing daengj, gij binghyiengh neix dwg gij goekgaen yaeuhfat baenz mauhfung de. Youq ndaw gij vunz baenz mauhfung haenx, miz 90% doxhwnj baenz hezyaz sang, daegbied dwg bingzseiz mbouj raen miz binghyiengh mingzyienj danhseih ndaw gyog miz vunz baenz mauhfung gvaq, ceiq yungzheih baenz cungj bingh neix, ndigah aeu yawhfuengz cij ndaej.

Daihngeih, yawjnaek fuengz- ceih hezyaz sang, ndaej hawj baenz mauhfung gihliz doekdaemq 50% doxhwnj. Youq gohyoz hableix sawjyungh yw gyangq hezyaz、yw gyangq dangz、yw gyangq hezcij le, lij aeu haeujsim anbaiz ndei gwndaenj dem, guh daengz guhhong caeuq yietnaiq doxgiethab, baujcwng ninz gaeuq, yawjnaek fuengz nit bauj raeuj, cingzsi gaej gikdoengh lai, gaej naetnaiq gvaqbouh caeuq guh yindung haenq lai.

Daihsam, seizcou ngoenz- naengz gwnndoet aeu cit di, lai gwn byaekheu singjsien、lwgmak, gaiq ien gimq laeuj.