10 nyied 22 hauh, gyoengq bouxhak aen ban yenzsiuhbanh Buzdauzyij guekgya haifat banggungz cwngcwz caeuq sizcenj haenx daeuj daengz Bingzgoj Yen damqcaz hong nungzyez lajmbanj.

Fuzdwzgoz、Dunghdivwnz、Gijneiyabijsau、Swng- dohmeij caeuq Bujlinzsihbij daengj guekgya cwngfuj bouxhak gungh 17 boux vunz, youq boux lingjdauj Cunghgoz Gozci Banggungz Cunghsinh Hingzcwngcu, Swcigih Banggungz Bangunghsiz Gyauhliuz Beizyincu doxbuenx baihlaj, daeuj daengz Bingzgoj Yen Bohcau Cin Mbanjluegvaiz dieg ciengx nonsei、Majdouz Cin Mbanjdozvanh dieg ciengx gaeq、Gojva Cin Mbanjbuyauz reih maklungzfeiz ngonzyawj damqcaz. Gyoengqde doiq Bingzgoj Yen nungzyez canjyez fazcanj nem hong lajmbanj fuengmienh bingzgyaq gig sang, lij doiq hong nungzyez lajmbanj gig mizyinx, haengjheiq caeuq gyoengq bouxciengxgaeq bouxndaemmak guh gyauhliuz.

(Dangz Siusanh)